SAAM LABU 53 - Zanniat Bible

Minung Sualdan

¹ Mivoite in amahte thinlung niu in, “Pathian um lo i,” ti tlang i. Minung heh zaitlukin hnawm i? Thil pha bawntu pakhat bangteng khai um lo i. Tihikkul thil tampui bawn tlang i!

² Minung lakah fimhnak a naitu le Pathian a biatu pakhat tal um nimaw tiin Pathian in van vuman sik i.

³ Ikhalselai amahte veksen in pial tlang sio i! Amahte nundan tianin ningrim sek i. Aisu khai thilpha bawntu um lo i. Pakhat niu bang khai um lo i.

⁴ Bawipa in, “Hemi misualte heh, Lingthiamhnak zaikhai nai tlang lo im? Minung in sang ai bangin, I minungte ai tlang sek i. I hnenah sawngen tlang fawn lo i,” ti i.

⁵ Ikhalselai anite tu thinlau in um tlang tuh i. A nai awng kel lo thinlauhnak nai tlang tuh i. Zaimantifangin Pathian in ning ralte ai ruhte heh piakruai sek i. A tumtekhnak hmuahhmuah boruai sek i, Zaimantifangin anite tu a hnawlmi i.

⁶ Zion in Israel hnenah ohnak kawi selai i daih ngai napui i! Pathian in a minungte a khangsoruai leh fangin, Jacob ai tesinfate lungawi tlang tuhai, Israel mite aipuang tlang tuh i.