SAAM LABU 47 - Zanniat Bible

Uktu Cungnungber

¹ Aw laivum mite, lungawi in papabeng tu ih; Pathian heh cawm ngai in la in thangphat tu ih.

² Bawipa, Cungnungber tu a thawmlian Pathian i. Ani tu a lianber kumpibawi i ai Laivum pumpuhluk uktu i.

³ Amah in miphun tampui vumah nehhnak i pe ai, Miphun tampui uktu in i bawn i.

⁴ Kin caah kin umhnak lairam heh ril i; A ithnak a minungte ai cohnak, Jacob ai uarhnak ram songlawi khiah!

⁵ Pathian tu a kumpibawi tohkham ah feh i. Lungawi ai authawm le thirhlung tum thawm um i, Bawipa a vak fang cenin.

⁶ Pathian hnenah thangphathnak la sa tu ih. Kin kumpibawi hnenah thangphat la sa tu ih.

⁷ Pathian tu laivum pumpuhluk vumah kumpibawi i. Ani tu la in thangphat tu ih.

⁸ Pathian tu kumpibawi tohkham cianghlim ah to i. Miphun hmuahhmuah uk sio i.

⁹ Laivum miphun uktute tu Abraham Pathian ai minungte thawn hmunkhat ah taikhawm tlang i. Raltawngtu ai lum hmuahhmuah heh Pathian naihnak lek i. Ani tu a tumce in khaisanghnak i.