SAAM LABU 32 - Zanniat Bible

Sualphuanghnak Le Ngaithiamhnak

¹ A mawhhnak ngaithiammi le, Sualhlathnak a ngah mite heh mihmuifu i.

² Bawipa in mawh a hluk lomi le, A lung songah mizawlhnak a nai lomi heh mihmuifu i.

³ I sualhnak phuang loin i um fang incen, Sunnivui i kaphnak ah i dal sio i.

⁴ Aw Bawipa, a sun a zan in na kut in i net isi; I thazang tu khuakhal niling in nai tla a roruai bangin, roruai sek i.

⁵ Cen na hnenah i sualhnak phuang ing; I thil tisualhnak pakhat khai pheh lo ing. I sualhnak tu na hnenah phuang tuhin ruatcat ing; Cen nangmah in i sualhnak tu i ngaithiam isi.

⁶ Nangmah na rinsantu hmuahhmuah in, Amahte harsa can ah na hnenah sawngen tlang tuseh. Tilawi tlung fangin a hnen hleng tuh lo i.

⁷ Nang tu i buan hmun isi. Harhnak in i hup tuh isi. Nangmah in i o manin i ohnak khiah la in sa tuh ing.

⁸ Bawipa in, “Na hlun tuhhnak lampui na rel tuh i. Na zirh tuhai na hmuh tuh i.

⁹ Siphuh le laak bangin tu voi mah; Na thu ngaitu cang tuhin anite tu kakharh le a ri in duk kul i,” ti i.

¹⁰ Mihrokhrawl pawl ai tuarhnak tu tampui i; Ikhalselai Bawipa a rinsantu heh A kho ngai a ithnak in hup i.

¹¹ Ningmah midikcangte, Bawipa ah lungawi aipuang in um tu ih. Ningmah thinlung pha pawl, ang ngai in au tu ih.