SAAM LABU 118 - Zanniat Bible

Nehhnak Hrang Anghnak Sawngen

¹ Bawipa hnenah anghnak thu rel tu ih; Zaimantifangin ani tu pha i, A ithnak tu kumzangza in kho i.

² Israel mite in, “A ithnak tu kumzangza in kho i,” ti tlang tuseh.

³ Pathian ai suangbawite in, “A ithnak tu kumzangza in kho i,” ti tlang tuseh.

⁴ Amah a kihzahtute in, “A ithnak tu kumzangza in kho i,” ti tlang tuseh.

⁵ I harsa can ah Bawipa tu ko ing; I kohnak za ai luathnak i pe i.

⁶ Bawipa tu i hnenah um i; Zaikhai i lau tuh lo i. Minung in i vumah ziang bawn thil tuh i?

⁷ I bawmtu heh Bawipa amah i; I ralte a sung khiah i mit in hmu tuh ing.

⁸ Minung rinsan tahin Bawipa rinsan pha sawn i.

⁹ Laivum uktute rinsan tahin Bawipa rinsan pha sawn i.

¹⁰ I ralte i hiangah um tlang sio i; Ikhalselai Bawipa ai huham in siatsuah sek ing.

¹¹ I cingkim in i kulh sio i; Ikhalselai Bawipa ai hathnak in boruai sek ing.

¹² Khoi bangin i fem khalkhaw; Hamphung mai kang bangin kang sek i. Bawipa ai huham in siatsuah sek ing.

¹³ Neh tuh rori in a roh ngai in i tawng tlang ai i neh cuahco ihang; Ikhalselai Bawipa in i bawm i.

¹⁴ Bawipa in huham nai roh le hat ngai in i bawn i; Ani tu i otu i.

¹⁵ Bawipa ai minungte a ponhlam songin nehhnak ang ngai in au tlang dekdohnak heh ngai tu ih; “Bawipa ai ban thahat in neh zo i.

¹⁶ A huham in nehhnak kin pe zo i; A ral nehhnak huham hat ngai in!” ti tlang i.

¹⁷ I thi tuh lo i, i cak tuhai Bawipa ai thil bawnhnak tepawl aupui tuh ing.

¹⁸ A roh ngai in i cawh zo i; Ikhalselai i thiruai siang lo i.

¹⁹ Kaimah caah dikcanghnak dawngkham i hon tu hram ih; Lut tuhai Bawipa hnenah anghnak thu rel tuh ing.

²⁰ Bawipa ai dawngkham tu hemi i; A dikcangmi ian lut thil i.

²¹ Aw Bawipa, I auhnak aw za ai, Nehhnak i pe manin thang na phat ing.

²² Inn satute in santlai lo ti ai a lonhnak lungto heh, A phahnem ber lungto ah cang zo i.

²³ Ciami tu Bawipa ai bawnhnak i; Mithmuh mawi ngai i.

²⁴ Tunnia heh Bawipa ai bawnhnak nia i; Lungawi aipuang in um tlang ngasing!

²⁵ Kin o tu law, Bawipa, kin o tu hram law; Aw Bawipa, hlawhtlinghnak kin pe tu hram law.

²⁶ Bawipa hming in a kawitu heh, Pathian in hmuifu pe tu hram seh! Bawipa biakinn in hmuifu ning pe i ing.

²⁷ Bawipa tu Pathian i; Kin hnenah tleuhnak kin pe zo i. Ning kut ah thingkak awh in puai bawn tu ilai, Puleng khiah hel tu thliahthlo ih.

²⁸ Nang tu i Pathian isi, Anghnak thu rel tuh ing. Na thawmlianhnak tlangau tuh ing.

²⁹ Bawipa hnenah anghnak thu rel tu ih, Zaimantifangin Ani tu pha i. A ithnak tu kumzangza in kho i.