SAAM LABU 110 - Zanniat Bible

Bawipa Pathian Le A Rilhnak Kumpibawi

¹ Bawipa in kumpibawi i bawipa hnenah, “Na ralte na ke hniaah i dah hlanlo, Heta i kiahhan lam nak ah to tu,” ti i.

² Zion in na ukhnak heh Bawipa in kauruai tuh i; “Na ralte uk tu,” ti i.

³ Na ralte na tawng nia in, Na minungte tho tlang tuh dekdo i. Zingniu in naidawh bangin, Tlang thianghlim ah na minote Na hnenah kawi tlang tuh i.

⁴ Bawipa in thukhamhnak tu cukcam in bawn zo ai thleng leh tuh nawn lo i. “Suangbawi Melkhizedek bangin, kumzangza in suangbawi tuh isi.” ti i.

⁵ Bawipa tu na kiahhan lamah um i; A thinraw nia ah kumpibawite neh tuh i.

⁶ Miphuncang amahte thukhan tuh i, Amahte raltawnghnak hmun heh mithi luang in dimruai tuh i. Laivum pumpuhluk ah kumpibawite neh tuh i.

⁷ Kumpibawi tu lampui hiang rawnti ai ti ding tlang tuh i; A tha tlung leh tuhai nehtu cang tuh i.