Rom Pawlpi Hemih Paul Laikuat 15 - Zanniat Bible

Midang Angruai Tu

¹ Sanghnak ai thazang a cakmi kinmah in sanghnak thazang a tlawm mite ai thilrit khiah phur bawm tuh ising. Kinmah hiamhnak ruat tuh sawnhnak ilo i.

² Ciahnak tahin kin unaute sanghnak ai khangsoruai tuh khiah thil pha imanin angruai tlang sawn ngasing.

³ Zaimantifangin Khrih in amah caah hiamhnak si lo i. Lai Thianghlim in, “Ning nautattute ai zohsuamhnak khiah i vumah tlok tuseh,” ti ai a tihnak khiah khim i.

⁴ Lai Thianghlim ai kin relhnak thinsauhnak le thinlung hathnak thawmin umlamhnak kin nai tuhhnak in Lai Thianghlim songah nganciahnak hmuahhmuah heh kinmah thuzirhhnak hrangah i.

⁵ Khrih Jesuh heh sikṭhim in ning lakah thinlung rual in ning umthilhnak tuhin thinsauhnak le thinlung hathnak ai a hampui Pathian in ning bawm tu hram seh.

⁶ Ciatihin ning veksen thinlung hmunkhat in kin Bawipa Jesuh Khrih ai Pa le Pathian khiah thangphat tuh i si.

⁷ Khrih ai ning cosang bangin Pathian songlawihnak hrangah ningte khai pakhat le pakhat cosang dun tu ih.

⁸ I rel nuamhnak tu hemi i: Pathian ai thutak aiawh ah Khrih tu Judah mite ai cengfa ah cang i; ciami tu Pathian in a pupate hnenah a thukham khimruaihnak tuhin le Pathian tu rinsantlak i ti larruaihnak ah i.

⁹ Ciahlaiah Pathian tu ninghiohnak naitu i ti khiah Gentile mite inkhai ling ai thangphathnak tuhin khai i. Lai Thianghlim songah: “Gentile mite lakah na hming heh kaimah in phuang tuhai, Nangmah thangphathnak heh la in sa tuh ing,” tiin a tihnak khiah khim i.

¹⁰ Ciahlaiah, “Gentile mi ningte khai, Pathian ai miphunte thawn ang tu ih,” ti i.

¹¹ Cen, “Gentile mi ning veksen in Bawipa heh thangphat tu ih; Mi zongzong in amah thangphat tu ih,” tihnak le,

¹² Prophet Isaiah in, “Jesse ai tefa pakhat hleng tuhai Gentile mite uktu ah cang tuh i; anite in amah ah umlamhnak nai tlang tuh i” a tihnak bangin i.

¹³ Umlamhnak ai a hampui Pathian in, amah ning sanghnak thawmin, anghnak le daphnak phunkhim thawn ning dimruai tu selai, ciatihin Rauhla Cianghlim in amah ai hathnak thawmin umlamhnak tu ning hnenah ning burh tu hram seh.

Paul Ai Laikuathnak Thula

¹⁴ U le naute, ning tu mipha ze i si ai thu khai ling tlang ngai ai pakhat le pakhat zirh dun ben ngai i si, ti khiah kaimah hrimhrim in fiang ngai in ling ing.

¹⁵ Ikhalselai he lai i kuathnak songah ning lingruai lehsal i nuamhnak thu hrekkhat ah ralpha ngai in ngan ing. I ralphahnak tu Pathian in Gentile mite caah naper tuhin covo i pehnak,

¹⁶ Khrih naruaihtu ihnak manin i. Gentile mite tu Pathian hnenah co tlak mi hibawlhnak bang cang tuhhnak in le Rauhla Thianghlim thawmin Pathian hnenah aphnak cangthilhnak tuhin Pathian hnenin hlenghnak Thuthangpha i phuang fangin suangbawi bangin per ing.

¹⁷ Khrih Jesuh thawn kin pehzomdunhnak thawmin Pathian na ruaihhnak ah hmaiphahnak nai ing.

¹⁸ Gentile mite in Pathian thu hlun tuhin Khrih in i hmang ai a bawnhnak ian ralpha ngai in rel tuh ing. Hemi bang a bawnhnak heh ponkam in ituseh bawnhnak in ituseh,

¹⁹ ngaihsunurkul thil mak bawnhnak le khuaruahharkul a hathnak huham in ituseh a bawnhnak i. Ciatihin Jerusalem ai panin Illirikum tian khual i tlawnghnak ah Khrih ai thuthang Pha heh a khimniu in phuang ing.

²⁰ I tumtek ngiohnak tu Khrih ling awng lohnak hmunah Thuthangpha phuang khiah i, zaimantifangin midang in a hamtohciahnak hmunah sa bet tuh tu i hiam lo i.

²¹ Lai Thianghlim in, “Amah ai thu a za awng lo mite in hmu tuhai, a za awng lo mite in ling tuh i” a tihnak bangin i.

Paul Rome Tlawng Tumhnak

²² Ciamanin ning tlawngsuak thil loin vel tampui dawntu i nai de ing.

²³ Ikhalselai tun tu he ram dung ai i naperhnak ben zo manin le ningmah tawk tuh heh kum tampui song i hiamhnak imanin,

²⁴ tunṭum tu ning tawk tuh umlam ing. Spain ram i feh fangin ning tawk kong inglai i hiam ai ning hnenah can comniu hmang hnuaah ciata i feh tuhhnak khai i bawm leh tu ilai i daih i.

²⁵ Ikhalselai tun tu Jerusalem ah feh tuhai Pathian ai miphunte bawm rih tuh ing.

²⁶ Zaimantifangin Macedonia ram le Achaia ramai a ummi Pawlpuite in Jerusalem ai ummi Pathian ai miphun farah pawl bawmhnak ah thaso ngai ai amahte pehnak thawhhlawm um i.

²⁷ Ciatih ai pehnak heh amahte ai ruatthiamhnak i; hetih ai mi bawm heh amahte ṭuanvo i ve i. Judah mite in Rauhla lam hmuifu amahte cohnak heh Gentile mite hnenah a hlawmpui ve bangin Gentile mite inkhai thilri lam hmuifu amahte cohnak in Judah mite bawmhnak tuhin hlawmpui tuh vehnak i.

²⁸ Hemi naṭuan ben ai amahte ca pehnak thawhhlawm a khimniu in i ap ben fangin Spain ram feh tuhai ciafangin ning tlawng leh tuh ing.

²⁹ Ning hnen i hleng fangin Khrih ai hmuifu a semkhim heh ning sum thil tuh ing, ti ling ing.

³⁰ U le naute, kaimah caah Pathian hnenah saw i nget tuh ve ṭio in kin Bawipa Jesuh khrih le Rauhla ai i pehnak ithnak thawn ning forh ing.

³¹ Judea ramai ummi Khrih a sang lotute kut in harsahnak i tawk lohnak tuhin le Jerusalem ai naper tuhhnak tu Pathian ai mithiangte hnenah cotlak tuhin saw i nget tu ih.

³² Ciatihin Pathian ai thinkhimhnak um lekhaw ang ngai in ning hnenah hleng thil tuhai cawlumhnak can pha khai ngah tuh ing.

³³ Kin hnenah daphnak kin petu Pathian tu ning veksen hnenah um tu hram selaw! Amen.