Nehemiah 7 - Zanniat Bible

¹ Vingpui kulh ben tlang ai kotkate khai bawn tlang sio i ing; biakinn kiltute, lasatute le Levi mite tu naper zem tlang ṭen i ing.

² Jerusalem khua uktu tuhin i unau Hanani le vingpui kiltu ralbawi Hananiah dah ing. Hananiah tu Pathian kihzah le rinsantlak, aisu inkhai bang lomi i.

³ A pahnih in Jerusalem kotkate tu nisuak hnua fang ian in hong tuhin le nitlak lam kotka kiltute rin a tlung hlanah kham ai kalh tuh sio in rel ing. Jerusalem ai ummi songin khua kiltu tuhin dah tlang ai mi hrekkhat tu amahte inn ṭen kil tuhin rel ing.

Saltang Lettu Cazin

⁴ Jerusalem khuapui tu a kau ngai napui a songai umtu minung tu tam lo i; inn khai tampui sa tlang lai lo i.

⁵ Pathian in thin tha i thoruai ai mizapui, a bawite le hotute heh kokhawm tlang ai a innsang ṭen ah mipum hmingkhum ing. Saltanghnak in hmasaber a lettute ai laibu heh tawk ai a hnia lam bangin i.

⁶ A hnia lam aite tu Judah peng ai a ummi, kumpibawi Nebuchadnezzar in Babylon ah fehpui ai ciata in let ai Jerusalem le Judah ramsong amahte khua ṭen ah a tlung lehtute i.

⁷ A letpuitu upate tu Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah i.

^8-25 Saltanghnak in a lettu Israel hinte le a hin ai mipum zah ṭen tu hemite i: Parosh hin in thawng hnih za sawmsarih le pahnih, Shephatiah hin in za thum sawmsarih le pahnih, Arah hin in zaruk sawmnga pahnih, Pahath Moab (Jeshua le Joab ai tesinfate) in thawng hnih za riat le hlairiat, Elam hin in thawng khat zahnih sawmnga le pali, Zattu hin in za riat sawmli le panga, Zakkai hin in za sarih le sawmruk, Binnui hin in zaruk sawmli le pariat, Bebai hin in zaruk le kul hluanriat, Azgad hin in thawng hnih za thum le kul hluanhnih, Adonikam hin in zaruk sawmruk le pasarih, Bigvai hin in thawng hnih sawmruk le pasarih, Adin hin in zaruk sawmnga le panga, Ater (Hezekiah) hin in sawmkua le pariat, Hashum hin in za thum le kul hluanriat, Biazai hin in za thum kul hluanli, Hariph hin in za le hlaihnih, Gibeon hin in sawmkua le panga.

^26-38 A pupate a hnia lam khuate ah a um awngtu ai tesinfate a lettu tu hemite i: Bethlehem le Netophah khuate tesinfa ah za sawmriat le pariat, Anathoth khuate tesinfa ah za le kul hluanriat, Beth Azmaveth khuate tesinfa ah sawmli le pahnih, Kiriath Jearim, Khephirah, le Beeroth khuate tesinfa ah za sarih sawmli le pathum, Ramah le Geba khuate tesinfa ah zaruk le kul hluankhat, Mikmas khuate tesinfa ah za le kul hluanhnih, Bethel le Ai khuate tesinfa ah za le kul hluanthum, A dang Nebo khuate tesinfa ah sawmnga le pahnih, A dang Elam khuate tesinfa ah thawng khat zahnih sawmnga le pali, Harim khuate tesinfa ah za thum le kul, Jericho khuate tesinfa ah za thum sawmli le panga, Lod, Hadid le Ono khuate tesinfa ah za sarih le kul hluankhat, Senaah khuate tesinfa ah thawng thum za kua le sawmthum.

^39-42 Suangbawite hin songin a lettute tu hemite i: Jedaiah (Jeshua tesinfate) hin in za kua sawmsarih le pathum, Immer hin in thawng khat sawmnga le pahnih, Pashhur hin in thawng khat zahnih sawmli le pasarih, Harim hin in thawng khat le hlaisarih.

⁴³ Levi mite hin in a lettute tu hemite i: Jeshua le Kadmiel (Hodaviah ai tesinfate) in sawmsarih le pali,

⁴⁴ Biakinn awmawi thiamtute (Asaph ai tesinfate) in za sawmli le pariat,

⁴⁵ Biakinn kiltute (Shallaum, Ater, Talmon, Akkub, Hatita le Shobai tesinfa) in za sawmthum le pariat.

^46-56 Biakinn satute a hin ṭen thawn a lettute tu hemite i: Ziha, Hasufa, Tabboth, Keros, Sia, Padon, Lebana, Hagaba, Shalmai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Meunim, Nephushesim, Bakbuk, Hakupha, Harhur, Bazlith, Mehida, Harsha, Barkos, Sisera, Temah, Neziah le Hatipha.

^57-59 Solomon hnenumte, a hin ṭen in a lettute tu hemite i: Sotai, Sophereth, Perida, Jaalah, Darkon, Giddel, Shephatiah, Hattil, Pokhereth, hazzebaim le Ammon.

⁶⁰ Biakinn satute le Solomon hnenumte a lettute ai tesinfate 392.

^61-62 Tel Melah, Tel Harsha, Cherub, Addon le Immer khuate in Delaiah hin, Tobiah hin le Nekoda hinte in a lettute 642 um tlang napui Israel miphun hin i ing tiin relsuak ben tlang lo i.

^63-64 Suangbawi Hobaiah hin, Kakkoz hin le Barzillai hinte inkhai a pupate ai suahkehhnak laikhumhnak laibu hmu tlang lo i. (Barzillai hin ai amahte pu in Gilead ram Barzillai hin nupang hoi awng ai a nupui pa ai hming lang awng manin Barzillai hin ti awng i). A pupa aisu i, ti ling tlang lo manin anite tu suangbawi tuhin pom thil tlang lo i.

⁶⁵ Judah ram uktu bawi in, Urim le Thummim tihnak a hmangthiamtu suangbawi a um hlanlo Pathian hnenai selhnak rong cianghlim ai thil thai loin Mangki bawipa in kham i.

⁶⁶ Saltanghnak in a lettu mipum veksen sawmli thawng hnih, za thum le sawmruk,

^67-69 Hnenum veksen nupang pasal ti loin thawng sarih za thum sawmthum le pasarih, La sa thiam nupang le pasalte zahnih sawmli le panga, Siphuhte za sarih sawmthum le paruk, Laakte zahnih sawmli le panga, Kalaukte za li sawmthum le panga, Laak fer thawng ruk za sarih le kul i.

^70-72 Mi tampui Biakinn saleh tuhhnak in paisa tampui pe tlang i: Ram uktu bawi in sui cuai li, hibawlhnak hrang hlengte sawmnga, suangbawi korfualte lam za nga le sawmthum pe tlang i. Amahte hin ai hotute in sui cuai sawmriat le cuai nga, le ngun cuai za riat le cuai nga pe tlang i. Mizapui in sui cuai za riat le cuai nga, ngun cuai za sarih le sawmthum, le suangbawi korfualte sawmruk le pasarih pe tlang i.

⁷³ Cen suangbawite, Levi mite, Biakinn kiltute, la sa thiamte, Biakinn satute le Israel mite hmuahhmuah khuapui ituseh khuatenau ituseh khua cangcang ah um tlang zianzo i.