Jonah 4 - Zanniat BibleJonah Thinrawhnak Le Pathian Ninghiohnak 1 Ciafangin Jonah tu ang lo lawlaw i: a thin khai raw roh ai, 2 Bawipa hnenah hetihin sawngen i, “Aw Bawipa, hemi heh ihang kin ramai i um awng lai in i lau cia heh! Hemi manin a hlanvom in Tarshish khua ah tlan i tumhnak! Nang tu ninghio thiam le ngaihhar thiam Pathian, thinsau mi le a kho ngai ithnak naitu Pathian, mi siatsuah a tum inrin a sir lehtu de Pathian isi ti na ling ing. 3 Aw Bawipa, i nunhnak heh i lang tu hram law; nung tahin thi i nuam sawn i,” tiin ti i. 4 Ciafangin Bawipa in, “Hetihin thin na raw heh a dik i ti isim?” tiin ti i. 5 Jonah khai khua songin suak ai nisuah lamah a feh hnuaah ciata ah to i. Cen amah caah sawlhnah in buk sa ai Nineveh khua vumah ziangber hleng ni ti sik tum in buk hniaah to i. 6 Bawipa Pathian in uumkung poruai ai Jonah bertu tuhin le a harhnak nuamruai deuh tuhin a vumah zamruai i. Cia uumkung manin Jonah tu ang ngai i. 7 Ikhalselai a thangha zingniu ah Pathian in uumri khiah pangang airuai manin vawi lio i. 8 Ni a suak fangin Pathian in nisuah lam hlivua sa roh khiah zuangruai i. Cen ni in Jonah kang manin Jonah tu a lu am in sawn cuahco i. Jonah in thi tuhin ngen ai, “Nung tahin thi i nuam sawn i,” tiin ti i. 9 Ciafangin Pathian in Jonah hnenah, “Uumkung manin hetihin thin na raw heh a dik i ti isim?” tiin zawt i. Jonah in, “Thi ngam in thin i raw heh i dik i!” tiin ti i. 10 Ciafangin Bawipa in, “Zan khat songah po ai zan khat songah a vawi leh sio, na bir lohnak le na cing lohnak, uum ri hrangah ngaihharhnak nai isi. 11 Ciatih ilekhaw he a thawmlian Nineveh khua, kekeh lam kut le kiahhan lam kut rin a hlaihdan thiam lai lo minung ting khat le thawng kul umhnak le sumhnam khai siar cawk lo umhnak khua heh ninghio loin um tuh ing maw?” tiin ti i. |
Zanniat Bible © Bible Society of Myanmar, 2018.
Bible Society of Myanmar