Jonah 2 - Zanniat Bible

Jonah Ai Sawngenhnak

¹ Jonah tu ngapui pum songin Bawipa a Pathian hnenah sawngen i:

² “I rimsu harsahnak lakin Bawipa ko ai amah in i ling i. Mithi khua an bawmhnak ngen ing, I auhnak i za zo i.

³ Nangmah in tipui thuk songah i lon isi, Tipui laiteng holtong ah! Tilawi in i khuk i; Na tilep le na hlisiate tu I vuman liam betbo i.

⁴ Na mithmuh in hnawthnak ing ai Na Biakinn thianghlim hmu tuh nawn lo ing, tiin ruat ing.

⁵ I hiangai tidap in haihawh i phit i; I khuk sio i, tipuithuanthum in! Tisong hampa in i lu i tuam i.

⁶ Tlangsangpui hamah i phum zianzo i; Kawldawng ai kumzangza khamhnak ramah! Ikhalselai aw Bawipa Pathian, khur songin i nunhnak suah isi.

⁷ I nunhnak khiah i songin a bo cuahco fangin, Bawipa hih leh ruangro ing, I sawngenhnak na hnenah hleng i, Na biakinn thianghlim songah.

⁸ Santlai lo milim a biatute in Pathian ninghiohnak zangtak i.

⁹ Ikhalselai kai cenin na hnenah anghnak la thawn hibawlhnak na sel tuh ing. I thukhamhnak khiah khimruai tuh ing, ohnak tu Bawipa hnenin hleng i,” tiin ti i.

¹⁰ Cen Bawipa in ngapui ruai ai Jonah khiah laipua vumah awk leh i.