Jeremiah 47 - Zanniat Bible

Bawipa In Filistin Thula Rel I

¹ Egypt kumpibawi in Gaza a tawng hlanah Bawipa in Filistin thula i rel i;

² Bawipa in, “Sik tu! Sak lam ah ti khang diamdo i; Tilian bangin runpui kamah liam tuh i. lai le a vumah a umhnak hmuahhmuah khuk tuh sio i; Khuapui le a song ummi minungte khai khuk tuh i; Ciamite in bawmhnak daih in au tuh i. Laivum mi zongzong a roh ngai in kap tuhai au tlang tuh i.

³ Siphuhcangte ai ke pau za tuh i; siphuhleng dawp thawm le lengke leu thawm khai. Pate in a fate bawm tuhin let tuh nawn lo i. Amahte kut tu a nak ah tha nai lo inkhai tuh diam i.

⁴ Filistin siatsuahhnak can hleng zo i, Tyre le Sidon in bawmhnak a ngahsun sattanhnak can khiah! Kaimah Bawipa in Filistin mite hnawmruai tuh ing, Crete tikulh in a kawitute khiah!

⁵ Gaza mite hnenah lungsiahnak lianpui hleng i; Ashkelon mite tu dapthen in um i. Zaikom tian Filistin ram hrekkhat mithi ngai in um tlang tuh i?

⁶ ‘Bawipa ai ralvang, Zaikom tian mi sat tuh betbo lai isi? Na vang kawng songah let tulai, Ciata ah dap niu in um tuhang,’ tiin au isi.

⁷ Ikhalselai akontih in dapthen in um thil tuh i? Bawn tuh ṭuanvo i pe hnuaah! Ashkelon tawng tuhin le tipui kamai a umtute sat tuhin thupe zo ing,” ti i.