Isaiah 66 - Zanniat Bible

Bawipa In Miphunte Ai Thukhan I

¹ Bawipa in, “Vancung tu na tohkham i ai laivum tu i ke dahhnak i. Ciamanin zaibangtluk inn le hmun heh i umhnak tuhin sa ben nga i sim?

² Lai le van pumpuhluk heh kaimah ai semsuahhnak i. Thinlung a nemmi, sirhnak thinlung a naimi le i thu hlun ai i kihzahtute vum ahcen lung i awi i.

³ “Minung tu amahte daihhnak hlun in naper tlang i. Sazarh hrangah kawlpaw ro i, minung khai hibawlhnak tuhin pe i; tuu faniu ro tlang ai uico ai hawng khai tan i; sangvut hibawlhnak sel ai vok thisan khai sel i. Rimhmui tai ai milim hmaiah sawngen tlang i. Ningdulkul biahnak tu amahte ang phun pawl i.

⁴ Ciamanin amahte vumah harsahnak thil poimawh hlengruai tuh ing, amahte kihhnak hlelhlo thil poimawh hlengruai tuh ing. Zaimantifangin i ko fangin aisu inkhai i awi tlang lo i; i pong fangin aisu inkhai i ngai lo i. I thu el le thilpha lo bawn heh anite rilhnak i,” tiin ti i.

⁵ Bawipa ai ponghnak heh ngai tu ih, ningmah amah kihzahtu le a thu a hluntute: “Kaimah i rinsan manin ning phunpui hrekkhatte in ning hua ai zaikhai ning siar tlang lo i. Zoh ning suam ai ‘Lungawi aipuang ai ning umhnak heh a hmu kin nuam i. Ciamanin Bawipa in a hathnak larruai tu selai ning hup tuseh,’ ti tlang i. Ikhalselai anite sawn heh zakthitu tuh sawn i.

⁶ Ngai tu ih! Khuapui songai thawmvang le Biakinn in aw a thanghnak tu Bawipa in a ralte a cawhhnak thawmvang i.

⁷ “I khuapui thianghlim tu naukai urhnak zaikhai tuar loniu in mangrinlo in fapa a naitu nupang bang i.

⁸ Ciabang tu aisu tal in ling awng aw im? Hmu awng aw im? Miphun phunkhat heh ni khat songah te awng awm? Hemi miphun phunkhat a suak fangin Zion tu a raipui tuar kul tuh lo i.

⁹ Hemi i miphun tu a te can tian hoi tuh napui suakruai tuh loin i ruat i sim?” tiin ti i. Bawipa in rel zo i!

¹⁰ Jerusalem thawn ang tu ih, amah caah ning thinnuam tu ih, he khuapui a ittute! Tunin amah thawn lungawi tu ih, Amah caah lungsiahnak a naitute!

¹¹ A lianhnak vumah thin ning nuam tuh i, A nu hnawi lungmuang roh ai a fawptu nauniu bangin.

¹² Bawipa in, “Hmuifu le khangsohnak tu catloin ning pe tuh ing; a kang awng lo rawnti bangin miphun tampui ai lianhnak tu ning hnenah luang tuh i. Ithnak hlum thawn a nu in a kang songah cawi ai phatak niu in a kilkhawlhnak nauniu bang i tuh i si.

¹³ Nauniu ca ai hnemtu pha ber tu a nu i bangin Jerusalem khua songah ning hnem tuh ing.

¹⁴ Ciatih bangin a canghnak thil ning hmu fangin ning ang tlang tuh i; ning hatruai tuhai ning cakhnak khai i tuh i. Ciatihin Bawipa kaimah in i thu a hluntu heh bawm tuhai i ralte vumah i thinrawhnak i larruai dan heh ling tlang tuh i si,” tiin ti i.

¹⁵ Bawipa tu mai thawn kawi tuh i. Hlipui ai kohmur vumah Bawipa tu to tuhai a thin rawruaitute cawh tuh i.

¹⁶ Amah hmaiah mawhhnak naitu lailung vum minungte tu mai le ralvang in cawh tuhai mi tampui thi tuh i.

¹⁷ Bawipa in, “Hibawlhnak hrang tuhin a thiangruaihnak hmun sang ai a tianghnak puleng ah a rual a rual in a fehtute, voksa le buthi sa le a dang ti le rong ningdulkul a aitute ai san khiah a bo dawn ihang.

¹⁸ Amahte thinlung ruathnak le naperhnak tu ling sio ing. “Phun tampui le nam tampui ai minungte, pumkhawmruai tuhin kawi tuh ing. Ciatihin a taikhawm fangin i thiltiben zia hmu tlang tuhai,

¹⁹ amahte a cawhtu heh kaimah ing ti khiah ling tlang tuh i. Ikhalselai mi hrekkhat tu zuah tuhai, i hmingthanghnak, i thawmlianhnak le huham i nai zia a ling awng lomi miphunte le lamhlapui ai a umhnak ramah kuat tuh ing: Spain ram, Libya ram, conkiang saithiam pawl umhnak Lidya ram, Tubal ram le Greek ramah kuat tuh ing. Hemi miphunte lakah i thawmlian zia thu rel tlang tuh i.

²⁰ Hemi ramte an ning phunpui ning unaute tu letpui tuhai kaimah caah lehsawng bang i tuh i. Israel mite in sangvut hibawlhnak tu bawm cianghlim thawn Biakinn ah a koih tlang bangin ning hinpui unaute tu Jerusalem ai i tlang cianghlim vumah siphuh, laak, kalauk, siphuhleng le kawlpawleng thawn koih tuh i.

²¹ Anite songin mi hrekkhat tu suangbawi le Levi mite ah bawn tuh ing.

²² Van thar le lai tharte khiah i huham thawmin a kho ngai a i bangin ning tesinfa le ning hming khai kho tuh ngai ve i.

²³ Hla thar Puai cangin le nizarh nia cangin miphun hinkhim khiah Jerusalem ah kaimah bia tuhin kawi tlang tuh i,” tiin Bawipa in ti i.

²⁴ “Amahte let tlang fangin kaimah i tawngtu le i raltute ai luang hmu tuh i. Amahte luang aitu zangte khiah thi tuh awng lo ai a taihnak mai khai dit tuh awng lo i. Miphun hinkhim ai mithmuh ah ningdulkul i tuh i,” tiin ti i.