Isaiah 4 - Zanniat Bible

¹ Ciami can a khim fangin nupangte pasarih in pasal pakhat pom tlang tuhai, “Kaimah hlanlam in cawm dun tuh ngawn ing; hnikpon khai i si sah kul tuh lo i; pasal nai ben lo ai um zakthihnak in kin luat thil tuhin kin pasal i, na ti tuh hram i ing,” tiin ti tlang tuh i.

Jerusalem Pha Leh Tuh I

² Tikcucan hleng tuhai ramsong thingkung le rongkungte tu Bawipa in khangruai tuhai mawiruai tuh i. Israel mite songin a tangtute in a ramai suakhnak rong a hmu fangin thinnuam tuhai amahte mithmai pha leh tuh i.

³ Jerusalem ai a tangtu, nung tuhin Pathian ai ril mite tu mi thianghlim tiin ko tuh i.

⁴ Bawipa in a hathnak huham thawn thukhan tuhai ram cianghlimruai tuh i. Cen Jerusalem sualhnak le thisan a luanghnak tu somciang tuh i.

⁵ Cen Zion Mualvum le ciata ai a taikhawmtute ai vumah Bawipa in sun fangin khuanim umruai tuhai zan fangin maikhu le maitleu umruai tuh i. Pathian ai songlawihnak huham in khuapui pumpuhluk khuk tuhai hup tuh i.

⁶ Bawipa ai songlawihnak in khuapui tu sun nisahnak songin hnem tuhai ruahsi ai khuahu a zuang inkhai buanhnak le himhnak hmun cang tuh i.