Isaiah 31 - Zanniat Bible

Pathian In Jerusalem Hum Tuh I

¹ Bawmhnak daih in Egypt ah a fehtute tu a bo ihang! Egypt ralkapte rinsan tlang i; a siphuh, a siphuhleng, le a ralkap hat ngai pawl rinsan tlang i. Ikhalselai Bawipa Pathian, Israel ai Pathian thianghlim tu rinsan tlang lo i; a hnenin bawmhnak khai ngen lo i.

² Bawipa in a bawnhnak ling i, thilpha lo poimawh hlengruai i. Mihrokhrawl pawl le a ṭan awngtute khiah cawh tuh ing a tihnak bangin cawh ngaingai i.

³ Egypt mite tu pathian ilo i, minung i! A siphuhte tu rauhla ilo i, taksa nai i! Bawipa a kut pharh in thil a bawn fangin a hat ngai ram khiah ril tuhai ciami a hat ngai ram an a bawmhnak ram hat lo khai sawn cih tuh i. Amahte ram hnih in hnawm tuh i.

⁴ Bawipa in i hnenah, “Ramsa a dawptu chintit tu tuukhalte in zaitlukin au dekdo inkhai hnawt ben lo bangin, Kai Cungnungber Bawipa tu Zion Mual huphim i tumhnak in aisu inkhai i kham thil tuh lo i.

⁵ A faniute hup tuhin vaniu tu a bu vumah a vel hnelhno bangin kai Cungnungber Bawipa inkhai Jerusalem tu hup tuhai ṭan tuh ing,” tiin ti i.

⁶ Pathian in, “Aw Israel mite, i hmaiah ning sual zo ai ral i can zo i si! Ikhalselai i hnenah let tu ih!

⁷ Ning veksen in sui le ngun in a ningrimmi milim ning bawnhnak tepawl ning lon tuh siohnak tikcucan hleng tuh i.

⁸ Raltawnghnak ah Assyria tu hnawm tuh sio i, ikhalselai minung kut in i tuh lo i. Assyria mite tu raltawnghnak in tlan tuhai a minote tu sal tuhin pom tlang tuh i.

⁹ Amahte kumpimangbawi tu thinlau in tlan tuhai amahte ralbawite tu lau ze in amahte thantar rin hlum tuh sio i,” tiin ti i. Jerusalem ah amahte biahnak Bawipa, Zion Mual ah a mai in hibawlhnak a kangruaitu Bawipa in rel zo i.