Hosea 3 - Zanniat Bible

Hosea Le Hlotlau Nu

¹ Bawipa in hetihin i rel lala i: “Feh ta tulai midang a daihtu hlotlau nu daih ta tu. Israel mite in Pathian dangdang bia ai milimte hnenah cabit ro pe thliahthlo napui kaimah in ning it thotho bangin nang inkhai ciami nu heh it tuh ve thotho isi,” i ti i.

² Ciamanin ciami nu laihnak tuhin ngun tangka hlainga le barley fang han sarih pe ing.

³ Ani tu, “Can raipui hlotlau per tuh nawn lo isi; midang khai daih tuh nawn lo isi. Kaimah hnenah um tuh napui i hnenah it tuhlai lo isi,” tiin rel ing.

⁴ Ciatih bangin Israel mite khai kumpibawi nai lo le hotu nai loin, hibawlhnak sel thil loin le lungto khuam cianghlim nai loin, zuk le tlahsanhnak milimte nai loin raipui um tlang tuh i.

⁵ Ikhalselai Israel mite in Bawipa a Pathian lamah let ai a kumpibawi David ai tesinfa hnenah a let can um leh tuh i. Cen Bawipa tu kihzah tlang tuhai lehsawng pha ngah tlang tuh i.