Hosea 11 - Zanniat Bible

Pathian In Ralthotu A Minugte It I

¹ Bawipa in hetihin ti i: Israel tu a naupang lai in it zo ing; I fapa i ai Egypt ram an ko ing.

² Ikhalselai i fapa tiin i ko deuhdeuh fangin i hnenin hla amam ah pial i. I minung in Baal hnenah hibawlhnak pe i; Milim hnenah rimhmui tai i.

³ Ikhalselai Israel vak a zirhtu heh kaimah ing. I kang ai a cawitu heh kaimah ing. Ikhalselai amahte cakruaitu ing ti khiah ling tlang lo i.

⁴ Ithnak le ngaihharhnak ri thawn duk ing; Kaimah in cawi ai i biang ah nelruai ai ut kongin rong var ing.

⁵ Ikhalselai i hnenah let nuam lo i; Ciamanin Egypt ramah let tuhai, Assyria in uk leh tuh i.

⁶ Ral in amahte khua lang tuh sek ai khua kotkate bal tuh sek i. Amahte daihhnak lek bawn tlang manin, i minungte siatsuah tuh sek i.

⁷ I hnenin pial tum ṭiode manin, Amahte hawng ah hak orh ai, Cungnungber hnenah au tlang tuh hnelhno napui sawngtu aisu khai nai tuh lo i.

⁸ Aw Epharaim, akontih in na hlat thil tuh ing? Aw Israel, akontih in na zangtak thil tuh ing? Admah bangin akontih in na siatsuah thil tuh ing? Zaboiim bangin akontih in na hnawmcan thil tuh ing? Ciatih bangin na bawn tuh tu ruat ben lo ing; Na ittu i thinlung heh lum ngai ai nem hliang i.

⁹ Thinraw in na cawh tuh lo ing, Israel tu siatsuah leh tuh lo ing; Zaimantifangin kai tu minung ilo ing, Pathian ing; Ning hnenai a umtu a Thianghlim Ber ing; Thinraw in kawi tuh lo ing.

¹⁰ A ralte lamah chintit bangin huk tuh dumdo ai, I minungte in i hlun tlang tuh i. Nitlak lamai in thing derdo in hlawng kongin i been tuh i.

¹¹ Egypt ram an vaniu bangin rang ngai in hleng tuh i; Assyria in khuro bangin kawi tuh i. Amahte inn ṭen ah tlungpui tuh ing, Kaimah Bawipa in ti ing.

Israel Le Judah Mawhhluk I

¹² Bawipa in hetihin ti i, “Israel mite in a thudonrelhnak le mizawlhnak in i kulh sio i. Kai tu rintlak le a thianghlimmi Pathian inapui Judah mite incen i tawngcai lai thotho i.