Aanroling 20 - Zanniat Bible

¹ Zu tam ze ding heh mi zohsuam tawkhnak i; ponkam tamruai ai haudunhnak suakruai i. Zuri heh voihnak i.

² Kumpibawi thinraw heh chintit huk dumdo na lau bangin lau tu; Amah thin a rawruaitu heh mah veve rek dun bang i.

³ Aisu bang mivoi inkhai haudunhnak suakruai thai i; Haudunhnak hel ben heh upat tlak i.

⁴ Fang pawi cu ai lovai a zuam lomi mithazawng tu, rong khawm cu fangin rongkhawm pha nai tuh lo i.

⁵ Minung in a thinlung songai khuaruah a naihnak tu tikhur thuk songai ti bang i. Ikhalselai mifim pa in cawisuak ben tuh i.

⁶ Aisu inkhai mah ai felhnak ṭen rel de i; Ikhalselai mifel taktak aisu tawk tuh ising?

⁷ Pa tu midikcang le mipha ilekhaw, A fate mibawngpha i.

⁸ Thukhanhnak tohkham ah a totu kumpibawi in, Thil pha lo hmuahhmuah khiah a mit in hlaihdan thiam sio i.

⁹ Aisu in, “I thinlung thiangruai zo ing, I sualhnak in i thiang zo i,” ti thil i?

¹⁰ Bawipa in a dik lo cuai le tehhnak pawl hua i.

¹¹ Naupang inkhai a ihnak le a nuncandan a cianghlim le cianghlimlo, A dik le dik lo khiah a bawnhnak in larruai de i.

¹² Hmuhnak mit le zahnak bil tu, Bawipa ai bawnhnak veve i.

¹³ Na can khiah mitmuhnak in boruai lesikhaw na farah tuh i; Naper tu ṭio lai rong tampui nai tuh isi.

¹⁴ Thil laitu in, “A man tam ze i!” tiin phuncam de i; Ikhalselai thil lai ai a feh hnuaah, “Bai niu in lai ing,” tiin porh dun de i.

¹⁵ Sumsaw tampui um i, lungvar khai tampui um i; Ikhalselai fimhnak ponkam tu mankhung sawn i.

¹⁶ Ling awng lomi pa caah amahkhan sahtu heh, A amahkhan hrangah a thilri lang sah tuh i.

¹⁷ Hrokhrawl ai ngahhnak rong tu ur ngai i; Ikhalselai a rai hlanah a ka songah runsiat bang cang tuh i.

¹⁸ Ruathnak pha a naitu thawn thuron tu; Na thil bawnhnak ah hlawh na tling tuh i. Phantakniu in ralring cialep loin raltawng mah.

¹⁹ A thupniu in mi rel a hmangtu in thuthup phuang de i; Ciamanin mi rel a hmangtu heh kom mah.

²⁰ Na nu le na pa cukcam lesikhaw, khuathim lakah maikhuat hmit bangin na nunhnak bo tuh i.

²¹ Bai niu in na ngahhnak sumsaw tu nangmah caah phahnemhnak tlawm tuh ve i.

²² Phatlohnak khiah phatlohnak in rulthun mah; Bawipa rinsan tulai na osuak tuh i.

²³ A dik lomi cuai le tehhnak pawl khiah Bawipa in hua i.

²⁴ Kin lampui ah kal kin suanruaitu heh Bawipa i; Minung in akontih in a feh tuhhnak lampui ling thil tuh i?

²⁵ Pathian hnenah thawhhlawm pe tuh thu na kham hlanah phatak niu in ruat hmasa tu; Ciahlahle leh hnuaah na sir thai leh pang i.

²⁶ A fimmi kumpibawi in misual khiah si ai ninghio loin cawh de i.

²⁷ Bawipa in ruathnak le a hnawm a pha thiathiamhnak thinlung kin pe i; Kin thinlung hnenin akonah relh thil tuh ising.

²⁸ Kumpibawi in felhnak le phathnak le dikcanghnak thawn, A ram a uk song ahcen a ukhnak kho tuh i.

²⁹ Minote ai a songlawihnak tu amahte thazang i; Patar ai a mawihnak tu a puakpar i.

³⁰ Vithnak hmaihma kin tawk manin kin phatlohnak thiang i, Vithnak kin tuar manin thinlung thiangfaihnak ngah ising.