3 Johan 1 - Zanniat Bible

¹ Pawlpui upa kaimah in i ithnak mi Gaiusna hnenah he lai na kuat ing.

² I ithnak i rual, rauhla lamah cak niu in um isi ti i ling bangin zaizongza nuncak le remcang in um tuhin nangmah caah saw na nget ing;

³ Nang tu thutak songah a umtu ngio na imanin thutak ah zuam ngai in um lai i ti thu Khristian unaute in i rel tlang ai i ang ze i.

⁴ I fate thutak songah nung tlang i ti i ling tahin i angruaitu thu dang um nawn lo i.

Gaius Lawm I

⁵ I ithnak i rual, na Khristian unau ca na naper fangin, na ling awng lohnak tepawl ita inkhai rinsantlak in per isi.

⁶ Ithnak na nai zia heh heta pawlpui hnenah rel tlang zo i. Hmai lam amahte feh tuhlai lampui ahkhai Pathian thinkhing zawng in bawm rih tu.

⁷ Zaimantifangin Khrih naper tuhin khualsi a pan awng fangin sang lotute hnenin bawmhnak zaikhai lang loin Khrih naper pan i.

⁸ Ciamanin thutak songai naperhnak songah kin khai tel tlang tuh ve in kin Khristiante in rohpui in bawm tlang ngasing.

Diotrefes Le Demetrius

⁹ Pawlpui hnenah lai comniu ngan ing, ikhalselai amahte hotu tuh a hiamtu Diotrefes in i relhnak zaikhai siar tuh lo i.

¹⁰ Ciamanin i hleng fangin a bawnhnak hmuahhmuah phuang tuh sek ing; kin thula sia ze ai a relhnak le thudon a relhnak tepawl larruai tuh sek ing. Cialek ilo i. Khristian unute tlawng fangin tlun inn hon nuam tlang lo ai tlun inn hon a nuamtute rin kham ai ciamite heh pawlpui songin suah tuhin zuam dekdo i.

¹¹ I ithnak i rual, a pha lomi heh cung mah; a phami cung tu sawn. A phami a bawntu heh Pathian ai i, a pha lomi a bawntu in Pathian hmu lo i.

¹² Aisusu inkhai Demetrius lawm tlang i; thutak hrimhrim inkhai lawm i. Kinmah inkhai ciami tu lingpui ve i ing ai kin relhnak tu a dikmi i ti ling isi.

Tawphnak Hnuksathnak

¹³ Thu na rel tuh pha tampui nai ing, inapui cafung le laiti thawn ngan i nuam lo i.

¹⁴ Ning tawk tuh zual tum ai ciata ah hmaiton rori in na rel leh tuh ing.

¹⁵ Daphnak na vumah um tuseh. Na rualpuite in hnuk na sat tlang i. Kin rualpuite khiah pumpak ṭen in hnuk kin sat sah tu.