2 Sansiarnak 27 - Zanniat Bible

Judah Kumpibawi Jotham

¹ Jotham tu kum kul hluannga a khim fangin kumpibawi cang ai Jerusalem an kum hlairuk song uk i. A nu tu Zadok ai fanu Jerushah i.

² A pa bangin Bawipa hmaiah thilpha bawn ai Bawipa lungawiruai i; ikhalselai a pa bangin Biakinn songah lut in sualhnak bawn lo i. Mizapui in sualhnak thil sual bawn tlang ngio i.

³ Biakinn ai sak lam kotka a satu le Jerusalem khuasong Ophel bial tihnak hiangai khuapui kulhhnak vingpui a roh ngai in a kulhtu heh amah Jotham i.

⁴ Judah ram tlang vumah khua tampui sa ai hampalak ah khai raltawng ṭanghnak le ralvilhnak inndonsangte sa i.

⁵ Ammon kumpibawi le a ralkapte tawng ai neh i. Cen Ammon mi tu kumsiar in kum thum song a hnenah siahkhuai pe tuhin thupe i. A thupehnak bangin kumsiar anite pehnak siahkhuai ah ngun pawng thawng sarih le za nga, sangvut han thawng sawmnga le barley sangvut han thawng sawmnga i.

⁶ Bawipa a Pathian ai thu heh fel ngai in a hlun manin Jotham tu kumpibawi hat ngai in cang i.

⁷ Kumpibawi a cang songah a thil bawnhnak, a raltawnghnak le a khuakhanhnak dangte tuIsrael le Judah Kumpibawi Tluanthu Laibu songah khimniu in ngan tlang i.

⁸ Jotham tu kum kul hluannga a khim fangin kumpibawi cang ai Jerusalem an kum hlairuk song uk i.

⁹ Thi ai David khuapui ah phum i. Cen a fapa Ahaz in a tumrul in kumpibawi tuhin sawng i.