2 Korin 8 - Zanniat Bible

Khristian Ahlu

¹ U le naute, Macedonia ramai pawlpuite lakah Pathian in ninghiohnak in thil a bawnsuakhnakte heh ling tuh ve in i daih ngai i.

² Harsahnak a phunphun tawk tlang ai cuhnak tuar tlang roh i; ikhalselai anghnak lian ngai nai tlang ve ai anite tu farah tlang ngai napui siang ngai in a hlu pe tlang i.

³ Amahte pe ben zah tianin pe i ti khiah ning hnenah i rel nuamhnak i; amahte pe benhnak tahin tam pe tlang lai i.

⁴ Judea peng ai Pathian mite bawmhnak ṭuanvo kin zem tu ve ih tiin amahte lungsuak in kin ngen tlang i.

⁵ Hemi heh kin thinlung inrin kin ruat ban lohnak i. A hmasa ah Pathian hnenah pum pe tlang i; cen Pathian lungkhimhnak in kin hnen ahkhai pe tlang ve i.

⁶ Ciamanin naper a pantu Titus heh a naper pehzom tuhin le he ithnak naper heh pehzom ai bensuak tuhin ruai ing.

⁷ Ning tu sanghnak, thurelhnak, linghnak, midang bawm nuamhnak le kinmah ning ithnakte ah ning lian ngaingai i. Ciamanin he ithnak naper ahkhai mi hlaih tuhin ning daih sah ing.

⁸ Ning caah dan hlun tuh i bawnhnak zaikhai um lo i. Mi ning ithnak zaibang peungai ini, ti ling nuam in midang in mi bawm hiam tlang dan ning hmuhhnak i.

⁹ Kin Bawipa Jesuh Khrih in mi a ninghio dan ling i si: Ani tu lian ngai napui ningmah manin mifarah ah cang i; ciatihin a farahhnak thawmin milian ah ning canghnak tuhin i.

¹⁰ Tihhnikum ai ning panhnak ṭuanvo heh tunah ben i silai pha i tiin i ruathnak i. Hemi naperhnak ahhen a per lek ilo in a per nuamhnak ahkhai a hmasaber i si.

¹¹ Ning naper heh com loin per tu ilai ben tu ih. A hampan in ning umlam ze bangin a ben lamah khai thin thatho ngai in ning naper heh ben tum tu ih.

¹² Sianghnak thinlung nai le i sikhaw ning pehnak Pathian in co tuh i; Pathian in ning nai lohnak ning ngen lo i.

^13-14 Midang bawmhnak pe nuam manin ning vumah thilrit ning phurh tum lo ing. Ikhalselai tun laitak ah nainung in ning um manin a farah mite ning bawm tuh heh mawi pam ve lo im? Cen ningmah farah leh pang ai anite lian lekhaw ning bawm leh tuh ve thun i. Ciatihin bangran in cosanghnak i tuh i si.

¹⁵ Lai Thianghlim songah, “Tampui a khawmtu in tampui nai hang lo i; tlawmniu a khawmtu in tlawmniu nai cuanglo i,” tiin um i.

Titus Le A Rualpui

¹⁶ Ningmah bawm tuhin i hiam bangin Titus inkhai ningmah bawm tuhin hiam ze ve ai Pathian hnenah i ang ngai i.

¹⁷ Kin ruaihnak a lungkhim lek zolo in ning bawm tuh khiah a hiam ze ai amah thu in ning hleng tuhin ruat zo i.

¹⁸ Amah thawn hmunkhat ah pawlpui cangcang in a Thuthangpha phuanghnak ah mi ai hmaizah ngaihnak mi pakhat hlat cih tuh i ing.

¹⁹ Cialek zolo in ani tu Bawipa ai songlawihnak hrangah mi zawnruathnak naper kin perhnak ah le a bawn kin nuamhnak larruaihnak ah kinmah thawn khualtlawng tlang tuhin ani tu Khristian in ril tlanghnak le naper thiahhnak i.

²⁰ Hebang siang ngai in pehnak lehsawng kin tawlrelhnak ahhen sawihnak zaikhai um pang tuh loin ralring tlang ngai i ing.

²¹ Kin tumtekhnak heh Bawipa ai mithmuh ian ah ilo in minung mithmuh ahkhai thil hman bawn tuhhnak i.

²² Cen amah thawn kin unau dang pakhat khai hlat cih i ing. Ani tu vai tampui cu tlang zo ai mi bawm hiam ngai i ti hmu i ing. Tun salawn tu ning vumah rinsanhnak nai ngaingai ai ning bawm tuh heh hiam ngai i.

²³ Titus ti lesingkhaw kin naper pui i ai ningmah bawm tuhin per tlang ṭiode i ing; amah thawn kin hlat tlanghnak kin unaute khai pawlpui aiawhtute i ai Khrih hnenah songlawihnak hlengruaitute i.

²⁴ Anite vumah ning ithnak larruai tu ih; cen pawlpuite in cia thu heh lingfiang tuhai ning caah kin porhdunhnak thudik i tiin ling tlang tuh i.