1 Sansiarnak 9 - Zanniat Bible

Saltanghnak In Let Tlang I

¹ Israel mite tu amahte hin ṭen in laibu songah nganhnak i ai ciami khiah Israel Kumpibawite Ai Laibu tihnak i. Judah mite tu sual manin cawhkuan ah Babylon ah sal tang tlang i.

² Amahte khua le inn ai a let hmasaber pawl tu Israel mizapui hrekkhat, suangbawite, Levi mite le Biakinn ai napertute i.

³ Judah hin, Benjamin hin, Epharaim hin le Manasseh hinte tu Jerusalem ah feh ai um i.

^4-6 Jerusalem ah Judah hin innsangte zaruk le sawmkua um i. Judah fapa Perez ai tesinfate hotu Uthai i; Uthai tu Ammihud fapa i ai Omri ai fasuan i. A dang pupate tu Imri le Bani i. Judah ai fapa Shalah ai tesinfate hotu Asaiah i ai amahte songkhat ai hotu luber i. Judah ai fapa Zerah ai tesinfate hotu Jeuel i.

^7-8 Benjamin hin songin a hnia lam aite tu Jerusalem ah um tlang i: Meshullam ai fapa Sallu: Meshullam tu Hodaviah ai fapa i ai, Hodaviah tu Hassenuah ai fapa i. Jeroham ai fapa Ibnaiah: Uzzi ai fapa le Michri ai fasuan Elah: Shephatiah ai fapa Meshullam: Shephatiah tu Reuel ai fapa i ai Reuel tu Ibnijah ai fapa i.

⁹ Jerusalem ah amahte hin songin innsang a veksen za kua le sawmnga le paruk um i. A vumai hming nganhnakte tu songkhat ai luber ciang i.

Jerusalem Ai Umtu Suangbawite

^10-12 A hnia lam aite tu Jerusalem ai a umtu suangbawite i: Jadaiah, Jehoiarib, Jakhin. Hilkiah ai fapa Azariah tu Biakinn ai hotuber i. A pupate tu Meshullam, Zadok, Meraioth le Ahitub i. Jeroham ai fapa Adaiah: a pupate tu Pashhur le, Malchijah i. Adiel ai fapa Maasai; a pupate tu Jedaiah, Meshullam, Meshillemith le Immer i.

¹³ Innsang ṭen ai luber suangbawi amahte veksen in thawng khat za sarih le sawmruk um i. Anite tu Biakinn ai naperhnak ah a thiam mite i.

Jerusalem Ai A Ummi Levi Mite

^14-16 A hnia lam aite tu Jerusalem ai a ummi Levi mite i: Hasshub ai fapa Shemaiah; a pupate tu Azrikam le Hashabiah i ai Merari hinte i. Bakbakkar, Haresh, Galal; Mika ai fapa Mattaniah; a pupate tu Zichri le Asaph i. Shemaiah ai fapa Obadiah; a pupate tu Galal le Jeduthun i. Asa ai fapa le Elkanah ai fasuan Berechiah; ani tu Netophah mite ai ram songah umtu te i.

Jerusalem Biakinn Kiltute

¹⁷ A hnia lam aite tu Jerusalem Biakinn kiltute i: Shallum, Akkub, Talmon, Ahiman i. A hotu heh Shallum i.

¹⁸ Tun san tianin a hinte tu nisuah lam dawngkham, Kumpibawi kotka ah dah i. A hlan ahcen Levi mite riahbuk kotka kiltute i.

¹⁹ Kore ai fapa le Ebiasaph ai fasuan Shallum tu Korah hinpui dangdangte thawn, Bawipa umhnak Ponhlam luthnak dawngkham kiltute i; a pupate khai Bawipa ai riahbuk a kil laiah ciatihin kil tlang awng zo i.

²⁰ Eleazar ai fapa Phinehas in ho awng de i; Bawipa tu a hnenah um tu hram seh!

²¹ Meshelemiah ai fapa Zechariah khai Bawipa umhnak Ponhlam dawngkham kiltu ve i.

²² A veksen in minung zahnih le hlaihnih tu dawngkham le kotkate kiltu tuhin ril tlang i. Anite tu amahte umhnak ṭen ai laibu langhnak i. A pupate tu sangtlak manin kumpibawi David le Samuel in ciabang naper thupui heh perruai i.

²³ Amahte le a tesinfate tianin Biakinn heh kil ṭio i.

²⁴ A ning ningli: sak lam, hlang lam, nisuah le nitlak lamah kotka pakhat ṭen um ai a kiltu upa ber um ṭen i.

²⁵ Hemi kotka kiltute tu khuatenau ai a ummi amahte songkhatte in bawm tlang ai a son dun in ni sarih song kil de i.

²⁶ Kotka kiltu upa ber palite tu Levi mite i ai ṭuanvo lianber nai i. Biakinn songai a khante le a songai a dahhnak thilrite khai kilkhawl i.

²⁷ Biakinn kilkhawl le zingsiar kotka hong tuh heh amahte ṭuanvo imanin Biakinn hiangah a um tlang khiah i.

A Dang Levi Mite

²⁸ A dang Levi mite tu Biakinn song Pathian biahnak ai hmanghnak bungbelte kilkhawltute i. A hmang hlanah siar ai a hmang hnuaah khai siar de i.

²⁹ A dangte tu hmanghnak thilri cianghlim dangte, sangvut, cabitti, olive thau, rimhmui le khahmin hmui a phunphun pawl kilkhawltute i.

³⁰ Ikhalselai khahmin vut bawn ai cokrawi heh suangbawite ai ṭuanvo i.

³¹ Korah hin, Shallum ai fapa upa ber, Levi mi pa Mattithiah ai ṭuanvo tu sang em hibawlhnak hrang ralring ṭiotu i.

³² Kohath mite tu Sabbath nia Biakinn ai hmang tuhin sangheu cianghlim bawntute i.

³³ Levi mite hrekkhat tu Biakinn ai lasatute i. Innsang ai luber pawl i ai Biakinn nak a khan songah um tlang i. A sun a zan in ṭuanvo nai de manin naṭuan dang zaikhai nai lo i.

³⁴ A vumai hming nganhnakte tu Levi mite innsang ai luber ṭen le amahte hin ṭen ah hotute i. Jerusalem ai a umtute lakah hotute i.

Kumpibawi Saul Ai Pupa Le Tesinfate

³⁵ Jaiel tu Gibeon khuasattu i ai ciata ah um i. A nupui tu Maacah i ai,

³⁶ a fapa upa ber tu Abdon i. A dang fapate tu Zur, Kish, Baal, Ner, Nadab,

³⁷ Gedor, Ahio, Zechariah le Mikloth i.

³⁸ Mikloth tu Shimeah ai pa i. A tesinfate tu amahte hin songkhatte hiang Jerusalem ah um tlang i.

³⁹ Ner tu Kish ai pa i ai Kish tu Saul ai pa i. Cen Saul in fapate pali nai ai Jonathan, Malkhishua, Abinadab le Eshbaal i.

⁴⁰ Jonathan tu Meribbaal pa i ai Meribbaal tu Micah ai pa i.

⁴¹ Micah in fapa pali nai i: Pithon, Melech, Tarea le Ahaz i.

⁴² Ahaz tu Jarah ai pa i ai Jarah in fapa pathum nai i: Alemeth, Azmaveth le Zimri i. Zimri tu Moza ai pa i ai,

⁴³ Moza tu Binea ai pa i; Binea tu Rephaiah ai pa i; Rephaiah tu Eleasah ai pa i ai, Eleasah tu Azel ai pa i.

⁴⁴ Cen Azel in fapate paruk nai i: Azrikam, Bokheru, Ishmael, Sheariah, Obadiah le Hanan i.