1 Sansiarnak 25 - Zanniat Bible

Lasatu Le Awmawi Tumtute

¹ David le Levi mite lakah hotute in a hnia lamai hinte tu Pathian biahnak ai hotu tuhin ril tlang i: Asaph, Heman le Jeduthun. Anite tu congcing, tingriset le dartumcel thawn Pathian ai thu, prophet pon in, a phuangtute i. Pathian bia fangin anite amahte naṭuan ṭen ah a hnia lam aite pawl heh hotu ah a ril mite i.

² Asaph ai fapate pali tu Zakkur, Joseph, Nethaniah le Asharelah i. Anite hotu ah Asaph i ai kumpibawi in thupe fangin Pathian thu phuang tlang de i.

³ Jeduthun ai fapate paruk tu: Gedaliah, Zeri, Jeshaiah, Shimei, Hashabiah le Mattithiah i. A pa ai ho in congcing tum kongin Pathian thu phuang ai thangphathnak la sa tlang de i.

⁴ Heman ai fapate hlaili tu: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti Ezer, Joshbekhashah, Mallothi, Hothir le Mahazioth i.

⁵ Heman tu kumpibawi prophet i ai, a thukhamhnak bangin Heman tu Pathian in fapate hlaili le fanute pathum thawn songloih i.

⁶ Biakinn ai Pathian a bia can ah a pa ho in dartumcel, congcing le tingriset a veksen in tum tlang de i. Asaph, Jeduthun le Heman tu kumpibawi ai thupehnak ngai in um i.

⁷ Hemi pasalte kul hluanli tu amahte bawnhnak ṭen ah thiam thai tlang ngaingai i. Amahte Levi mite phunpuite khai lasa thiam le awmawi tum thiam ciang i. A veksen in zahnih le sawmriat le pariat khim tlang i.

⁸ Amahte naṭuan tuh rilhnak ah mino ituseh, upa ituseh, la thiam cia ituseh, a zir sawngniu ituseh, amahte veksen in camciafung duk tlang ṭen i.

⁹ Hemi minungte zahnih sawmriat pariat tu amahte le songkhat ṭen sik in bur kul hluanli ah khan tlang ai, bur khat ah minung hlaihnih ṭen i. Bur khat in hotu pakhat ṭen nai ai a hnia lam bangin a sonson in bawn tlang de i: Pakhathnak tu Joseph, Asag hin hotu, Pahnihhnak Gedaliah,

¹⁰ Pathumhnak Zakkur,

¹¹ Palihnak Izri,

¹² Pangahnak Nethaniah,

¹³ Parukhnak Bukkiah,

¹⁴ Pasarihhnak Jesharelah,

¹⁵ Pariathnak Jeshaiah,

¹⁶ Pakuahnak Mattaniah,

¹⁷ Sawmkhathnak Shimei,

¹⁸ Hlaikhathnak Aziel,

¹⁹ Hlaihnihhnak Hashabiah,

²⁰ Hlaithumhnak Shebael,

²¹ Hlailihnak Mattithiah,

²² Hlaingahnak Jeremoth,

²³ Hlairukhnak Hananiah,

²⁴ Hlaisarihhnak Josbekhashah,

²⁵ Hlairiathnak Hanani,

²⁶ Hlaikuahnak Mallothi,

²⁷ Kulhnak Eliathah,

²⁸ Hluankhathnak Hothir,

²⁹ Hluanhnihhnak Giddalti,

³⁰ Hluanthumhnak Mabazioth,

³¹ Hluanlihnak Romamti Ezer.