1 Sansiarnak 24 - Zanniat Bible

Suangbawite Ca Pehnak Naper

¹ Aaron ai tesinfate tu a hnia lamai bangin naper zem dun i. Aaron in fapate pali nai ai Nadab, Abihu, Eleazar le Ithmar i.

² Nadab le Abihu tu a pa hlanah thi kawm ai fate nai lo manin amahte nau Eleazar le Ithmar lek suangbawi cang kawm i.

³ David in Aaron tesinfate tu amahte naperhnak tikcucan bangin khan tlang i. Hetihin a khan fangin David tu Eleazar ai tefa Zadok le Ithmar ai tefa Ahimelech in bawm kawm i.

⁴ Eleazar ai tesinfate tu bur hlairuk in khan tlang ai Ithmar tesinfate tu bur riat in khan tlang i. Eleazar ai tesinfate lakin pasal, innsang ai luber pawl tam tlang deuh manin bur tam deuh in a khanhnak i.

⁵ Eleazar le Ithmar tesinfate lakah Biakinn upa le rauhla lam hotu um tlang ṭen manin napertu tuhin a khan tlang fangin camciafung duk in khan tlang i.

⁶ Eleazar ai tesinfa le Ithmar ai tesinfate in a sonson in camciafung duk tlang i. Ciatihin a bawn fangin Levi mi laingantu Nathanael ai fapa Shemaiah in laibu songah khum i. Cen kumpibawi, a kuthnia tlangsuakte, suangbawi Zadok, Abiathar ai fapa Ahimelech, suangbawi innsang ai luber ṭen le Levi mi innsang ai luber pawl tu lingpuitute i.

⁷ Pakhathnak Jehoiarib, Pahnihhnak Jedaiah,

⁸ pathumhnak Harim, Palihnak Seorim,

⁹ Pangahnak Malchijah, Parukhnak Mijamin,

¹⁰ Pasarihhnak Hakkoz, Pariathnak Abijah,

¹¹ Pakua Jeshua, Sawmkhathnak Shekaniah,

¹² Hlaikhathnak Eliashib, Hlaihnihhnak Jakim,

¹³ Hlaithumhnak Huppah, Hlailihnak Jeshebeah,

¹⁴ Hlaingahnak Bilgah, Hlairukhnak Immer,

¹⁵ Hlaisarihhnak Hezir, Hlairiathnak Happizzez,

¹⁶ Hlaikuahnak Pathahiah, Kulhnak Jehazkel,

¹⁷ Hluankhathnak Jakhin, Hluanhnihhnak Gamul,

¹⁸ Hluanthumhnak Delaiah, Hluanlihnak Maaziah.

¹⁹ Hemite tu Bawipa, Israel ai Pathian thupehnak bangin a pupa Aaron ai dan hluphnak bawn in, Bawipa Biakinn ah napertu tuhin a khanhnakte i.

Levi Mite

²⁰ Levi ai tesinfate amahte hin ai lu ṭen pawl tu hemite i: Shebuel hin in Amram tesinfa Jehdaiah;

²¹ Rehabiah tesinfa Isshiah.

²² Shelomith hin ah Izhar tesinfa Jahath;

²³ Hebron hin ah a sangsang in Jeriah, Amariah, Jehaziel le Jekameam;

²⁴ Micah songin Uzziel tesinfa Shamir;

²⁵ Micah unau Isshiah songin Uzziel tesinfa Zechariah;

²⁶ Merari tesinfate Mahli le Mushi le Jaaziah.

²⁷ Jaaziah in fapate pathum nai ai Shoham, Zakkur le Ibri i.

²⁸ Mahli in fapate pahnih Eleazar le Kish nai i.

²⁹ Kish in fapa pakhat Jerahmeel nai i.

³⁰ Mushi in fapate pathum Mahli, Eder le Jerimoth nai i. Hemite tu Levi mite ai songkhatte i.

³¹ Amahte songkhat, Aaron tesinfa suangbawite ai a bawn zohnak bangin amahte naper tuh rilhnak ah amahte innsang ai luber le a naute lakin mi pakhat in camciafung duk ṭen i. Kumpibawi David, Zadok, Ahimelech, suangbawi songkhat ai luber le Levi mi innsang ai luber pawl tu a lingpuitu tettite i.