Žalmi 114 - Le Devleskero Lav Andre Romaňi Čhib Slovensko 2021

O Žalmos 114

¹ Sar o Izrael avelas avri andral o Egipt, o kher le Jakoboskro le cudze narodendar,

² o Juda ačhiľa le Devleskro sveto than, o Izrael leskro kraľišagos.

³ O moros oda dikhľa a denašľa, o paňi Jordan chudňa te džal palal,

⁴ o verchi chučkerenas sar bakre a o brehi sar cikne bakrore.

⁵ So tute, morona, hoj denašľal? So tute, Jordanona, hoj visaľiľal palal?

⁶ Verchale, soske chučkeren sar bakre? Brehale, soske chučkeren sar cikne bakrore?

⁷ Izdra, phuvije, anglo Raj, anglo Del le Jakoboskro,

⁸ savo čerinel e skala pro jazeros a o kremeňis pro prameňa le paňengre.