O Job 25 - Le Devleskero Lav Andre Romaňi Čhib Slovensko 2021

Trito vakeriben le Bildadoskro

¹ Akor o Bildad andral o Šuach odphenďa kada:

² „Le Devleskro hin o rajipen a lestar pes kampel te daral, ov kerel o smirom upre andro ňebos.

³ Či pes del te zrachinel leskre ňeboskre armadi? Pre kaste na švicinel leskro švetlos?

⁴ Akor sar šaj el vareko spravodľivo anglo Del? Abo sar šaj el žužo o manuš, savo uľiľa la džuvľatar?

⁵ Se leske mek aňi o čhonoro na švicinel jasnones a o čercheňa nane dos žuže andre leskre jakha.

⁶ Ta akor keci frimeder o manuš, so hino sar kirmo; o čhavo le manušeskro, so hino ča kirmoro!“