Lukaa 13 - A Buk 1896 (Bible Portions)

U RA NUNUKPUKU.

¹ Ta magan diat ki u ra pupukai kuma diat wapuata ia u diat a Kalilaia, kuma Pailato i weloto a kap i diat ma ra kap i ra nudiat kum pika na wekul.

² Iesu i piri ta diat lenkumi Muat kanapi duk lena diat a Kalilaia kuma, a kum akakaina tara diat u diat a Kalilaia rap, kuma di pet a lig kuma korom diat, ni?

³ Iau pira ta muat, Pate: muat kai ba pa muat a nukpuku muat wirua rap lenkuma.

⁴ Ba diat kai a winunu ma ru watdi, a turuna‐ruma Siloama i taripu tau u diat, ma i umpa diat, muat kanapi duk lena, a kum tenapetakakai diat u diat a tara rap diat ki Ierusalema, ni?

⁵ Iau pira ta muat, Pate: muat kai, ba pa muat a nukpuku muat, muat a wirua rap lenkuma.

U REN DIWAI PA I UA.

⁶ I wapua diat u ra pirapira welwelara kumi; Rā muana di maruti a fi k u ra nuna pinapam; ma i wan pat in bobo kup ta uaina, ma pa i bobopa tin.

⁷ I piri ta ra tenaboboura‐pina‐pam, Boboi, tul a tinoan ma, iau bobo kup ta ua i na fi ki kumi, ma pa te: un buruai ma; lelawai kuma i turubatbat bakai a pia?

⁸ I piri tana, Tadaru, un madektai ku mun u ra tinoan kumi, ba ăg killiutai, ma ăg pam a lig in ka uni;

⁹ ba in ua na muru, auakak; ba pate, un buruai ma.