A Kelekele 19 - A Buk 1896 (Bible Portions)

A KELEKELE 19.

¹ A maua i wapuanata a măramăra a nun Nara; Ma ra lagit i weata a nun pinapam.

² Ra keke i wapua tau u rā keke kai, Ma ra marum i weata a manana u ra marum kai.

³ Pa ta wewapua, pa ta pirapira, pa di walogoro a igadiat.

⁴ Ma ra pupua i diat i wan u ra rakrakan wanua rap, Ma ra nudiat pirapira u ra kali na bual rap. I a pakitai uni a ruma a nu ra make.

⁵ Kuma i le ra muana a matakina tinaula, i wan tak u ra nuna ruma, I kaia bulug le ra patuan a muana in kala u ra nuna akapi.

⁶ I wan kabin pat u ra kabi na maua, Ma ra nuna winawan i al u ra kalina: Pa ta lig ma di burugbati ko ra uanina.

⁷ I wakwakak akit a wawera a nun Ieova, Kuma i wakadelpa a niodi; A ligatuna akit a wewapua a nun Ieova, I watinana diat a kum loglog.

⁸ I takado a weputa a nun Ieova, I pet a kaiapa a baladi: A pirawebat a nun Ieova i maramarek, I wakapakapa a matadi.

⁹ A buruta Ieova i maramarek, ma i tana takum: A nakakon a nun Ieova a ligtatuna, ma i takado rap.

¹⁰ A lig kumi din lig kupi, ma pate a koula, Pate ut kai ba magoro na koula mulu. I nămian akit kai u ra oni, ma ra tatua i ra matamata na oni.

¹¹ Di wakinaptai kai a nun wetula u ra kum lig kumi: Ma i gala na binabalu ba di taram uni.

¹² O oi te in manana liranpai u ra nuna pet rara? Un pet a maramarek iau ko ra akaina lig i tana ino u ra balag.

¹³ Un petbat a num wetula ko ra warapiam; Koniku in pam lurāpa iau, kun ăg pet oduru, Ma pa ag rara u ra gala na petakakai.

¹⁴ Awakak ba a kum pirapira ko ra wag, ma ra nunuk i ra balag in wakwakak korom ui, Ieova, A nug dekdek, ma ra nug Tenawalaun.