A Kelekele 139 - A Buk 1896 (Bible Portions)

A KELEKELE 139

¹ Ieova, u titikan kup iau, u nunurai iau.

² U nunurai a nug ki na pia, ma ra nug turu na te, U nunurai a kankanapig ba i welwelik utbai.

³ U titikan kup a nug winawan, ma ra nug ininep; U nunurai a makirag rap.

⁴ Pa ta pirapira ko ra wag, Ieova, ba pa u nunurai nakurai.

⁵ U petbat iau na muru tag, ma na muka kai. U pakita a limam un iau.

⁶ A manana lenkumi a lig na kakian korom iau; I naunau, iau kana nunura larapai.

⁷ Ag wan tala a wai ko ra niom? Ag kala tala a wai ko ra matam?

⁸ Ba iau ka toto u ra maua, u ki iai: Ba iau lagun a bag u ra matananion, Boboi, u ki iai.

⁹ Ba iau rakani a bibia i ra malana, Ma iau ki u ra kali na tai,

¹⁰ Kura kai a limam in benben iau. Ma ra waot na limam in pamkotopa iau.

¹¹ Ba iau piri lena, A boboto in burugbat iau. A marum in kapakapa ku ara iau.

¹² A boboto pa i pulubatpa ta lig kon ui; A marum i kapakapa le ra keke: A boboto ma ra keke diara welara korom ui.

²³ Nara, un titikan kup iau, un nunurai uni a nuknukig: Un pet tama iau, un nunurai uni a kankanapig.

²⁴ Ba un bobo ta akaina makirag, Un benpa iau u ra akapi na lalaun pa in rap.