Zacarías 9 - Tayta Diospa Wilakuynin

Israel nacionpa vecïnun nacionkunapaq wilashqan

¹ Kaychömi qelqaraykan Tayta Diospa wilakuynin Hadrac markacho y Damasco markacho taq runakunapaq. Lapan trïbu Israel runakuna imano kawayashqantapis Tayta Dios rikashqannömi Siriacho taq runakunatapis rikaykan.

² Damascupa colindancho taykaq Hamat runakunatapis, Tiro runakunatapis y Sidón runakunatapis mayjina yachaq kayaptinpis paymi juzgananpaq rikaraykan.

³ Tiro runakunaqa markanta sapänanpaq murällatapis altutami sharkasiyash. Seqaypa rïcuyashpanmi alpatanöraq qellayta shuntayash y shalatanöraq qoritapis shuntayash.

⁴ Sayno kaykaqtami Tayta Dios muchuyman chäsinqa. Imaykantapis lamarman jitarirmi markankunata chipyaq rupasinqa.

⁵ Sayta rikarmi Ascalón markacho taqkuna fiyupa mansakäyanqa. Gaza runakunapis fiyupa lakikuyashpanmi suksukyäyanqa. Pipis yanapänanpaq manana kaptinmi Ecrón runakunapis fiyupa lakikuyanqa. Gaza markapa mandaqnintapis wanusiyanqami. Ascalón markapis sunyaqmi rikakunqa.

⁶ Asdod markachöpis jäpa runakunami täyanqa. Tayta Diosmi nin: <

⁷ Yawartash aysata mikuykäyashqantapis shiminpitami qechushaq. Ïdulukunapaq kankayashqan sacrificiutapis mikuykäyaptinmi qechushaq. <

⁸ <>.

Siónman rey chaptin alabayashqan

⁹ <<¡Sión runakuna, seqaypa kushikuyay! ¡Jerusalén runakuna, kushikur cantayay! Rikayay mandaqniki rey shamuykaqta. Paymi alilata ruraq salvashuqniki kaykan. Humildi karmi ashnun loqash shamuykan. Malta ashnun loqashqami shamuykan.

¹⁰ <

¹¹ <

¹² ¡Jäpa nacioncho tarpis kutimuyta yarparqa nacionnikiman kutikayämuyna! Aläpa nakayashqaykipita ishkay kuti mastami bendicionnïta churamushaq.

¹³ Judá runakuna, flëcha jitakunänömi kayankipaq. Efraín runakuna, flëchänömi kayankipaq. Sión runakuna, espädänömi kayankipaq. Qamkunatami kachayäshayki Grecia runakunata munaynikiman churayänaykipaq>>.

¹⁴ Kuyashqan runakunaman Tayta Dios shamurmi flëchankunatapis maqakuytanöraq contrankunaman jitanqa. Munayyuq Tayta Diosmi cornëtanta tukar sur kaqläpita löcu wayrano shamunqa contrankunata ushakäsinanpaq.

¹⁵ Kuyashqan runakunata lapanta mandaq Tayta Diosmi sapanqa. Sapaptinmi contrankuna warakarpis chäsiyanqasu. Saymi kuyashqan runakuna kushikuyashpan shinkash runakunanöraq büllata rurayanqa. Chikiqninkunata wanusirmi yawarninwan ushmash kayanqa. Sacrificiupaq shuntashqan yawar tazoncho junta winaraykaqno y altarpa waqrankunacho yawar pichuraykaqnömi chikiqninkunapa yawarninwan pichush kayanqa.

¹⁶ Say junaqqa Tayta Diosmi kuyashqan runakunata salvanqa. Misikuq runa uyshankunata salvashqannömi paykunatapis salvanqa. Kuyashqan runakunaqa corönacho kuyaylapaq adornunömi nacionnincho kayanqa.

¹⁷ Täyashqan nacionmi maypis täkuypaq y kuyaylapaq kanqa. Trïgupis y mushuq vïnupis askami kanqa. Saychömi olqu wamrakunapis y warmi wamrakunapis kuyaylapaq shakshäyanqa.