Sofonías 3 - Tayta Diospa Wilakuynin

Jerusalén runakunata castigananpaq nishqan

¹ ¡Mana wiyakuq Jerusalén runakuna, lakipaypaqmi ushakäyanki! Qamkunaqa fiyupa jusasapami kaykäyanki. Pïmaytapis nakasiyänaykipaq mamalan wachashqami kaykäyanki.

² Qamkunaqa pï wilapäyäshuptikipis manami chaskikuyankisu. Corrigiyäshuptikipis manami cäsukuyankisu. Tayta Diosmanpis manami yärakuyankisu. Payta manami manakuylapis manakuyankisu.

³ Mikanaypita qaparaykaq leonkunanömi autoridänikikunapis kaykäyan. Tulutapis mana kachariq malaqash atuqkunanömi jueznikikunapis kaykäyan.

⁴ Profëtaykikunapis mana respitakuq y engañakuqmi kaykäyan. Cüraykikunapis sagrädu templutami impüruyäsiyan. Tayta Diospa leyninkunatapis manami cumpliyansu.

⁵ Sayno kayaptinpis Tayta Diosqa imaypis Jerusalénchömi kaykan. Payqa manami imatapis lutankunataqa ruransu. Cada tutami tantiyasimansi alilata ruraq kashqanta. Sayno kaptinpis jusalikuq runakunaqa lutanta rurar manami penqakuyansu.

⁶ Tayta Diosmi nin: <

⁷ Saymi kayno yarparqä: . Sayno yarpaptïpis paykunaqa jusalikuyman churakashqami kaykäyan>>.

⁸ Saymi Tayta Dios nin: <<¡Shuyaykuyay hïju! Juzganä junaq imay karpis chämunqami. Fiyupa rabyanäsiyämashqanpitami lapan nacionkunata shuntaykur castigashaq. Nina imaykatapis liptaypa rupar ushaqnömi kay pasacho taqkunata lapanta ushakäsishaq>>.

Runakunata salvananpaq Tayta Dios promitishqan

⁹ <

¹⁰ Mas karucho taq runakunapis yanapänäpaqmi manakayämanqa. Say runakunaqa Etiopía nacioncho kaykaq mayukunapita mas karuchömi taykäyan. Saypita pasami ofrendankunata noqapaq apayämunqa.

¹¹ Say wisanmi jusalikur kushikuqkunata qamkunapita qarqushaq. Sagrädu lömächo manami ali chölu tukuyanqanasu. Mana jusalikuypa kawarmi uysuykachaykäyanqanasu.

¹² <

¹³ Israelcho kawaykar quëdaq runakunaqa mananami lutanta rurayanqanasu. Paykunaqa mananami lulakuyanqanasu ni pitapis engañayanqanasu. Tranquïlu mikukuq uyshakunanömi kayanqa. Manami pipis paykunata mansakasinqanasu>>.

¹⁴ ¡Sión runakuna, cantayay! ¡Israel runakuna, kushikur qayaräyay! ¡Jerusalén runakuna, lapan shonquykikunawan kushikuyay!

¹⁵ Tayta Dios mananami castigayäshunkinasu. Chikishuqnikikunatapis qarqunqami. Tayta Diosmi mandaqniki rey kaykan. Qamkunawan kaykaptinqa manami imapitapis mansariyankinasu.

¹⁶ Say wisanmi Jerusalén runakunata niyanqa: <>

¹⁷ Qamkunawanmi Tayta Dios kaykan. Munayyuq karmi salvayäshunki. Kuyayäshushpaykimi mushuq kawayta qoyäshunki. Qamkunapaq seqaypa kushikurmi

¹⁸ fiestata ruraqno cantanqa. Tayta Diosmi nin: <

¹⁹ Say wisanqa nakasishuqnikikunata kikïmi ushakäsishaq. Nirkurmi oqrakash uyshata shuntaqno maysaypitapis shuntayämushayki. Pakikush uyshata jampiqnömi jampiyäshayki. Manami pipis jamuraykäyäshunkipaqnasu. Saypa trukanqa yanapäyäshayki maysaychöpis respitash y alabash kayänaykipaqmi.

²⁰ Say wisanqa maysaypitami shuntayämushayki. Jäpa nacionkunaman apayäshuqnikikunapa rikay nawin kutisimuptïmi pïmaypis kushikur respitayäshunkipaq. Noqa Tayta Diosmi sayno nï>>.