Sofonías 2 - Tayta Diospa Wilakuynin

¹ Suëla cära Judá runakuna, lapayki shuntakaykur yarpachakuyay jusalikuyta kachariyänaykipaq.

² Tayta Dios rabyanan junaq manaraq chämushqanyaq jusalikuyta kachariyay. Mana kachariyaptikiqa punshata wayra apar ushakäsishqannömi ushakäsiyäshunkipaq.

³ Kay pasacho ali shonqu runakuna, Tayta Diosta lapayki ashiyay. Mandamientunkunata cäsukuqkuna, mana yachaq tukuylapa pay munashqanno kawayay. Sayno kawayaptikiqa capazchir Tayta Dios rabyanan junaq salvayäshunkimanpis.

Filisteo runakunata castigananpaq nishqan

⁴ Gaza markapis sunyaqmi rikakunqa. Ascalón markapis pasaypami ushakanqa. Asdod markacho taqkunatapis junaqpami suwapäyanqa. Ecrón markacho taqkunatapis jaqwapita jachata lukiriqnömi qarquyanqa.

⁵ ¡Wawalaw! ¡Lamar kuchuncho taq filisteo runakuna, qamkunapis lakipaypaqmi kayankipaq! Castigashunaykipaqmi Tayta Dios nin: <<¡Canaáncho taq filisteo runakuna, sunyaqpaqmi ushakäsiyäshayki!

⁶ Lamar cercancho kaq chakrakunapis tikranqa uywakunata misikuna purma chakramanmi. Uysha kunchakunalami saycho kanqa>>.

⁷ Kawaykar quëdaq Judá runakunatami isanqa Tayta Dios yanapanqa mana mansariypana kawayänanpaq. Paykunapaqna say chakrakuna kaptinmi uywankunata saycho misikuyanqa. Ascalóncho kaykaq wayikunachömi punuyanqapis.

Moabita y amonita runakunata castigananpaq nishqan

⁸ Tayta Diosmi nin: <>.

⁹ Saymi Israel runakunata kuyaq y lapanta mandaq Tayta Dios jurar nin: <>.

¹⁰ Sayno paykunata päsanqa seqaypa runa tukuyashqanpitami. Paykunami lapanta mandaq Tayta Dios kuyashqan runakunata alquysakuyash.

¹¹ Kay pasacho adorayashqan lapan dioskunata Tayta Dios ushakäsirmi Moab nación runakunata y Amón nación runakunata fiyupa castiganqa. Saymi may karu islakunacho taq runakunapis markankunacho Tayta Diostana adorayanqa.

Etiopía runakunata castigananpaq nishqan

¹² <>.

Asiria runakunata castigananpaq Tayta Dios nishqan

¹³ Saynölami Tayta Diosqa norti kaqläpa aywar Asiria nacionta ushakäsinqa. Nínive markacho taq runakunatapis ushakäsiptinmi pasaypa jäkuq rikakunqa.

¹⁴ Say partiqa uywa misikunami rikakunqa. Imayka niraq munti uywakunami saycho täyanqa. Tukulana y akakluylanami vïgakunachöpis punuyanqa. Saykuna waqashqanpis ventänapami wiyakämunqa. Punkukuna ushakaptinmi cedru tablawan entablayashqanpis alayrina rikakanqa.

¹⁵ Say markacho taq runakunaqa ima desgracia päsananpaq kashqanta yarpaylapis manami yarpäyansu. Saymi shonqunkunacho niyan: <> Jina kaqta ushakäsiptinmi markankuna tikranqa jirka uywakuna täkunanman. Sayta rikarmi marka nawpanpa päsaqkuna makitapis paqchirraq kushipäyanqa.