Santiago 2 - Tayta Diospa Wilakuynin

Pobrikunata ali rikanansipaq nishqan

¹ Kuyay wawqi panikuna, poderösu Señor Jesucristuman yärakuykarqa lapan runakunata iwal rikashun.

² Shuntakäyashqaykiman ali mödanash y qori sortïjash rïcu runa chämuptin y pasaypa lachapa mödanash pobri runa chämuptin

³ ¿imanirtaq rïcu kaqta ali rikar <> niyanki y pobri kaqtaqa <> o <> niyanki?

⁴ Sayno nir ¿manaku jukninta ali rikaykäyanki y juknintana mana ali rikaykäyanki? Sayno karqa mana ali jueznömi kaykäyanki.

⁵ Kuyay wawqi panikuna, wiyayämay. ¿Manaku Tayta Dios pobrikunata akrash wakin runakunapita payman mas yärakuyänanpaq y mandashqancho imayyaqpis kawayänanpaq? Sayno kawayänanpaqmi kuyaqninkunata promitirqan.

⁶ Sayno kaykaptinpis qamkunaqa pobrikunata mana alimi rikaykäyanki. ¿Manaku rïcu runakunaqa munayashqanta rurasir nakasiyäshunki? ¿Manaku maqaraykar juezkunamanpis apasiyäshunki?

⁷ ¿Manaku paykunaqa salvamaqninsi Jesucristutapis manakaqman churayan?

⁸ Tayta Diospa palabran kaynömi nikan: <>. Say leyta rasunpaypa cumplirqa alitami ruransi.

⁹ Rïcu runakunata ali rikar y pobrikunata mana ali rikarqa say leyta mana cumplir jusalikuykansimi.

¹⁰ Mayqanpis <> nikashqancho juk mandamientulatapis mana cumplirqa lapanta mana cumpliqnömi kaykäyan.

¹¹ Tayta Diospa mandamientunkunacho qelqaraykan <> y <> nir. Sayno kaykaptinqa majanta mana jarukurpis runa mayinta wanusirqa Tayta Diospa leyninkunata manami cumpliykansu.

¹² Sayno kaykaptinqa imata parlayänaykipaqpis y imata rurayänaykipaqpis shumaq yarpachakuyay. Wilakuynin nishqannölami juiciu finalcho Tayta Dios juzgayäshunki.

¹³ Runa mayikita mana kuyapäyaptikiqa qamkunatapis Tayta Dios manami kuyapäyäshunkisu. Runa mayikita kuyapäyaptikimi isanqa qamkunatapis kuyapäyäshunki.

Tayta Diosman yärakur alita ruranansipaq yäsikuy

¹⁴ Kuyay wawqi panikuna, <> nirpis pay munashqanno mana kawashqaqa ¿imapaqtaq yärakushqansipis välin? Sayno kawaq runakunataqa Tayta Dios manami salvanqasu.

¹⁵ Diosman yärakuq mayinsita mödanaynaqta o mikanaykaqta rikaykar

¹⁶ mana yanapashqaqa ¿imapaqtaq välin <> nishqansipis?

¹⁷ Saynölami runa mayinsita mana yanapashqaqa Tayta Diosman yärakushqansipis manakaqlapaq kaykan.

¹⁸ Wakin runakuna niyan: <>. Sayno niyaptinpis noqa nï: Mana yanapäkuq karqa manami rasunpaypasu Tayta Diosman yärakuykäyanki. Runa mayikita yanaparmi isanqa Tayta Diosman rasunpaypa yärakuykäyanki.

¹⁹ Tayta Dios juklayla kashqanta criyiyashqayki ali kaptinpis manami say criyiyashlaykiwansu salvakuyanki. Tayta Dios kashqantaqa supaykunapis criyiyanmi. Sayno criyirpis infiernuman qaykush kayänanpaq kashqanta musyarmi mansariywan marmaryaykäyan.

²⁰ ¡Ama upa yarpayta yarpäyaysu! Runa mayikita mana yanapäyaptikiqa Tayta Diosman yärakuyashqaykipis manakaqlapaqmi kaykan.

²¹ Yarpäshun unay ayllunsi Abraham imano kashqantapis. Payshi Tayta Diosta cäsukur surin Isaacta altarcho wanusinanpaq pushanaq. Sayno cäsukuptinshi Tayta Dios payta jusaynaqtano chaskinaq.

²² Saynöpami Abraham rasunpaypa yärakushqanta musyansi.

²³ Tayta Diospa palabranpis kaynömi nikan: <>. Saynöpis nikan Abraham Tayta Diospa amïgun kashqantami.

²⁴ Sayno kaykaptinqa manami yärakushlansipitasu Tayta Dios salvamansi, saypa trukanqa payman yärakur alikunata rurashqansipitami.

²⁵ Saynöpis tantiyakushun prostitüta warmi Rahab imata rurashqantapis. Israel runakuna Jericó markaman rikapakuq chäyaptinshi wayinman pakaykunaq. Nirkurnashi Jericó runakuna ashiyaptin jukläpana qeshpisinaq. Sayno rurashqanpitami paytapis Tayta Dios jusaynaqtano chaskirqan.

²⁶ Saymi alikunata mana rurashqaqa Tayta Diosman yärakushqansipis manakaqlapaq kaykan. Cuerpunpita alma yarquptin runa wanush kashqannömi yärakuyninsipis wanushno kaykan.