Salmo 52 - Tayta Diospa Wilakuynin

1-2

Salmo 52 (51) Yaqa runa ali tukushqan

1-2 (1-2) Cantaqkunapa mandaqninpaqmi. Doeg jutiyuq edomita runa Saúl kaqman aywaykur Ahimelecpa wayincho David kashqanta wilaskiptinmi kay salmuta David qelqarqan.

¹ 1 (3) Munayyuq kashpayki ¿imanirtaq mana alita rurashqaykipita runa tukunki? Tayta Diosqa imaypis kuyakuqmi.

² 2 (4) Qamqa mana alita ruranalaykipaqmi yarpachakuykanki. Runa mayikita lutala tumpashqaykimi puñalno kaykan.

³ 3 (5) Alita ruranaykipa trukanqa lutankunatami ruraykanki. Rasun kaqta parlanaykipa trukan lulakuylapaqmi wanuykanki. Selah

⁴ 4 (6) Pitapis manakaqman churarmi imaypis lulakunki.

⁵ 5 (7) Saymi wayikipita Tayta Dios qarqushunkipaq. Wanusishushpaykimi chipyaq ushakäsishunkipaq. Selah

⁶ 6 (8) Tayta Diosta cäsukuqkunaqa sayta rikar mansariyanqami. Asiparmi niyanqa:

⁷ 7 (9) <>.

⁸ 8 (10) Noqaqa imayka copösu olïvu jachanömi Tayta Diospa wayincho kaykä. Kuyakuq Tayta Diosmanmi imayyaqpis yärakü.

⁹ 9 (11) Tayta Dios, alilata ruraq kashqaykipitami imaypis agradëcikushayki. Qamman yärakamuqkunapa nawpanchömi imaypis alabashayki.