Salmo 3 - Tayta Diospa Wilakuynin

1

Salmo 3 Tayta Diosta manakushqan

1 (1) Kay salmuta David qelqarqan surin Absalónpita qeshpishqan wisanmi.

¹ 1 (2) Tayta Dios, askaqmi conträ sharkuykäyan. Saysikami chikiykäyäman.

² 2 (3) Paykunami noqapaq nikäyan: <>. Selah

³ 3 (4) Sayno niyaptinpis sapämänaykipaq kikikimi escüdü kaykanki. Qammi kushikasimaqnï kaykanki. Qammi valurasimaqnï kaykanki.

⁴ 4 (5) Lapan shonqüwan manakamuptï sagrädu lömaykipita pasami contestamanki. Selah

⁵ 5 (6) Tayta Dios ali rikamaptinmi jawkala punukü y kushish wararküpis.

⁶ 6 (7) Conträkuna wanusimänanpaq saysika shayämuptinpis manami mansarishaqsu.

⁷ 7 (8) Tayta Dios, yanapaykalämay. Conträ runakunapita sapaykalämay. Qaqlancho laqyaykulay. Jusalikur kawaq runakunapa kiruntapis jakapatano takaykulay.

⁸ 8 (9) Tayta Dios, qamlami salvakuq kaykanki. Kuyashqayki runakunaman bendicionnikita churaykalämuy. Selah