Salmo 2 - Tayta Diospa Wilakuynin

Salmo 2 Mandaq rey kananpaq Tayta Dios churashqan

¹ ¿Imanirtaq runakuna Diospa contran sharkuyan? ¿Imanirtaq manakaqkunata yarpäyan?

² Manakaqkunata yarparmi nacionkunapa mandaqnin reykunapis guërrata rurayänanpaq kamarikuykäyan. Paykunaqa Tayta Diospa contran y akrashqan reypa contran sharkuyänanpaqmi wilanakur nikäyan:

³ <<¡Munaynincho kashqansipita witikushun! ¡Podernincho kashqansipita qeshpikushun!>>

⁴ Paykuna sayno parlayaptinmi jana pasacho Tayta Dios asikun. Say wilanakuyashqantapis manakaqmanmi churan.

⁵ Nirkurmi fiyupa rabyashpan olqutupan. Pasaypa mansakäsirmi nin:

⁶ <>.

⁷ Tayta Diosmi nimash: <

⁸ Manakamaptikiqa lapan nacionkunatapis herenciayki kananpaqmi qoykushayki. Kay pasatapis qampa kananpaqmi juk kuchupita jukaq kuchunyaq qoykushayki.

⁹ Fiërru väraykiwanmi nacionkunata vincir ushakäsinkipaq. Alpa mankata shaluriqnömi paykunata asulankipaq>>.

¹⁰ Nacionkunapa mandaqnin reykuna, lapaykipis shumaq tantiyakuyay. Kay pasacho mandaqkuna, kay nishqäta shumaq chaskikuyay.

¹¹ Tayta Diosta mansapakur payta sirviyay. Mansapakuypa adorayay.

¹² Diospa surinta respitar qonqurpakuyay. Mana respitayaptikiqa jinan höra rabyakushpanmi wanusiyäshunki. ¡Payman yärakuqkunami isanqa kushish kawayanqa!