Proverbios 7 - Tayta Diospa Wilakuynin

Runanta qanrataq warmi imano kashqanpis

¹ Nishqäkunata cäsukuy, hïju. Yäsishqäkunata mana qonqaypa yarparay.

² Yäsishqäkunata chaskikurqa ali kawaytami tarinkipaq. Nawi nïñuykita cuidashqaykino nishqäkunata cumpliy.

³ Imaypis yarparänaykipaq makikiman watakuy. Mana qonqänaykipaq shonquykiman qelqay.

⁴ Yachayta niy: <>. Tantiyakuytapis niy: <>.

⁵ Sayno paniki y amïgayki karmi runan qanrataq warmipita sapäshunki. Ali shimilanpa parlapäkuq mañösa warmipitami cuidashunki.

⁶ Juk kutimi wayïpa ventänanpita rikachakuykarqä.

⁷ Saychömi rikarqä mana tantiyakuq maqtakunata. Paykunawanmi aywaykarqan wakinpitapis mas mana tantiyakuq maqta.

⁸ Paymi esquïnaman chärir cällita päsarqan. Nirkurmi mañösa warmipa wayin kaqpa aywarqan.

⁹ Say karqan mana reqikuy höranami.

¹⁰ Elaqpitami mañösa warmi yarqapämurqan prostitütano mödanan jatish mequykachar y qemsipar.

¹¹ Say warmiqa uman shanaripakush karmi wayinchöpis päransu.

¹² Saymi cällikunachöpis, pläzakunachöpis y esquïnakunachöpis ichiran pitapis kirunta rikasipänanpaq.

¹³ Say mana tantiyakuq maqtatami makalakurkur musarqan. Nirkurmi mana penqakuypa nirqan:

¹⁴ <

¹⁵ Saymi qamwan tinkuq yarqamushkä. Tinkuyta munashqänölami kanan tinkuskishkansi.

¹⁶ Lïnupita rurash kuyaylapaq fresädawanmi cämätapis qopishkä. Say fresädaqa Egiptupita apamushqan fïnu lïnupitami kaykan.

¹⁷ Cämä mushkünanpaqmi mïrrata, áloeta y canëlata winashkä.

¹⁸ Kanan jukla yaykushun warati kuyanakur jimashqansiyaq kakunansipaq.

¹⁹ Runäpis manami kaychösu kaykan. Payqa ilaykanmi.

²⁰ Aska qellayta apakurkurmi aywash. Llena killachöraqmi kutimunqa>>.

²¹ Sayno mishkisipaypa parlapaykälarmi say maqtata valuraskasirqan.

²² Saymi jinan höra say maqtaqa warmipa qepanta yaykurqan. Pishtayänanpaq töru camalman aywaqno, trampaman luychu yaykuqno

²³ y wanunanpaq kashqanta mana tantiyakuypa redman pishqu yaykuqnömi aywarqan. Luychupa shonqunta flëcha elaqpita tuksishqannömi paytapis wanusiyanqa.

²⁴ Yäsishqäkunata shumaq tantiyakuy, hïju. Nishqäkunata chaskikuy.

²⁵ Say niraq warmiwanqa ama jatikaysu.

²⁶ Payta qatirarqa wanuytami tarinki. Askaqnami sayno engañaptin wanuyash.

²⁷ Paypa wayinman aywaqkunaqa ushakäyanqami.