Proverbios 24 - Tayta Diospa Wilakuynin

19

¹ Yaqa runakunapa imanpis kaptin ama nanaparaysu ni paykunawan juntu puriysu.

² Paykunaqa runa mayinta atacayänalanpaqmi yarpachakuyan. Mana alita rurayänalanpaqmi wilanakuyan.

20

³ Tantiyakuq runaqa shumaq yarpachakurirmi cimientuta sutar wayita sharkasin.

⁴ Nirkurnami shumaq tantiyakuykur kuyaylapaq rantishqankunata wayinman churan.

21

⁵ Tantiyakuq kayqa kalpayuq kaypitapis mas alimi kaykan. Yachaq runaqa mas munayyuqmi kaykan.

⁶ Shumaq yarpachakuykurraqmi guërrata rurayan. Askaq yäsikuqkuna yäsiyashqanno rurarraqmi guërrata vinciyan.

22

⁷ Mana tantiyakuq runaqa senqan maycho kashqantapis manami musyansu. Saymi qorikäyashqancho parlananpaqpis umancho imapis kansu.

23

⁸ Pipapis contran sharkunanpaq yarpachakuqkunataqa yaqa runatanömi cuentayan.

⁹ Mana tantiyakuq runaqa jusalikuylapaqmi yarpachakun. Bujunädakunalata parlaq runataqa pïmaypis chikinmi.

24

¹⁰ Nakaykunata mana awantarqa wayläyumi kanki.

25

¹¹ Pitapis wanusinanpaq kashqanta musyarqa qeshpisiy. Jananman wanuy manaraq chashqanyaq salvay.

¹² Musyaykarpis <> niptikipis Tayta Diosqa lapantami musyaykan. Lapantapis musyaq karmi pïmaytapis kawashqanman tupu juzganqa.

26

¹³ Abëjapa mishkinta mikuy, hïju. Kawkayparaq mishkishqanta musyanaykipaq yawarkuy.

¹⁴ Say mishkita mikur kushikushqaykinömi ali tantiyakuq kashpayki y yachaq kashpayki kushikunkipaq. Tantiyakuq karqa pïmaypitapis respitashqami kankipaq. Lapan yarpashqaykipis kamakanqami.

27

¹⁵ Ali runapa contran ama sharkuysu. Wayintapis ama suwapaysu.

¹⁶ Qanchis kuti desgracia päsaptinpis saypita yarqunqami. Yaqa runakunami isanqa desgracia päsaptin ushakäyanqa.

28

¹⁷ Contrayki runata ima desgracia päsaptinpis ama kushipaysu.

¹⁸ Tayta Dios manami munansu pitapis kushipänaykita. Kushipaptikiqa kikikitami castigashunki.

29

¹⁹ Yaqa runakunata ama rabyapaysu. Jusalikur kawaq runakunapa imanpis kaptin ama nanaparaysu.

²⁰ Paykunaqa desgracialachömi ushakäyanqa. Aksi upiqnömi elaqäyanqa.

30

²¹ Tayta Diosta y reyta mansapakuy, hïju. Diosta y reyta mana cäsukuqkunawanqa ama shuntakaysu.

²² Paykunataqa Tayta Diospis y reypis elaqpitami castiganqa. Manami musyakansu imano castigananpaq kashqanpis.

Tantiyakuq runakunapa wakin yäsikuyninkuna

²³ Kaychöpis qelqaraykanmi tantiyakuq runakunapa yäsikuyninkuna. Pitapis jananpaypa autoridäkuna juzgayashqanqa manami alisu kaykan.

²⁴ Jusayuq kaykaptinpis jusaynaq kashqanta juez niptinqa runakuna maldicionayanqami. Juklä nación runakunapis musyaykurqa mana alimi rikayanqa.

²⁵ Jusanman tupu juzgarqa ali rikashqami kanqa. Pïmaypis favorninmi parlayanqa.

²⁶ Imata tapukuptinpis shumaq tantiyasiptinqa pïmaypis kushikuyanqami.

²⁷ Wayita sharkasiyta munar puntataqa chakra aruynikitaraq ushay.

²⁸ Lutalaqa runa mayikipa contran ama imatapis parlaysu. Manakaqkunataqa pitapis ama jitapaysu.

²⁹ Runa mayiki contrayki sharkuptinpis qamqa ama venganzata ashiysu.

³⁰ Juk kutimi päsarqä qela runapa y mana tantiyakuq runapa chakranpa.

³¹ Saychömi rikarqä chakranpis pasaypa purmash y perqanpis juchush kaykaqta.

³² Sayta rikaykurmi shumaq yarpachakur nirqä:

³³ <

³⁴ pasaypa pobrimi rikakunki. Ali armash suwa suwapäshuptiki taqlaykar quëdaqnömi kanki>>.