Proverbios 23 - Tayta Diospa Wilakuynin

6

¹ Mandaq runawan mikurqa imanir qaraykäshushqaykitapis shumaq tantiyakunki.

² Mayjina mikanarpis awantakunki.

³ Ali ali mikuyta rikarpis ama munapankisu. Capaz engañashunayki kashla mikuyta churapaykäshunki.

7

⁴ Rïcu kanalaykipaqqa aläpa yarpachakuysu.

⁵ Shumaq tantiyakuriptikiqa ima riquëzapis ushakaqlami kaykan. Anka pajar aywakuqnömi riquëzaykipis ushakäkunqa.

8

⁶ Micha runapa wayinman mikuq ama aywaysu. Ali alita yanukuptinpis ama munapaysu.

⁷ Payqa tupuq karmi janan shonqula <> nishunki.

⁸ Janan shonqula qayasishushqaykita tantiyakur mishkila mikurkurpis penqakunkipaqmi. Kuyasikur halagashqaykipis walälapaqmi kanqa.

9

⁹ Mana tantiyakuq runataqa imatapis ama yäsiysu. Yäsishqaykitapis manakaqmanmi churanqa.

10

¹⁰ Mujunninpaq unay jawiyashqan wankata ama witisinkisu. Waksakunapa chakranta ama qechunkisu.

¹¹ Päsaptikiqa munayyuq Tayta Diosmi paykunapa favornin sharkur castigashunki.

11

¹² Yachasiyäshushqaykita lapan shonquykiwan chaskikuy. Yäsiyäshushqaykitapis shumaq wiyakuy.

12

¹³ Wamrata shumaq corrigiy. Juk ishkay maki astashqaykiwanqa manami wanunqasu.

¹⁴ Saypa trukanqa wanuypitami salvanki.

13

¹⁵ Hïju, yachaq runa rikakuptiki noqami mas kushikushaq.

¹⁶ Ali kaqkunalata parlashqaykita wiyar seqaypami kushikushaq.

14

¹⁷ Jusalikur kawaq runakuna imaykayuqpis rikakuptin ama chikipankisu. Saypa trukanqa pobrila karpis Tayta Diosta mansapakunki.

¹⁸ Saynöpami imaypis ali kawankipaq. Lapan munashqaykitami tarinkipaq.

15

¹⁹ Yäsishqäta shumaq wiyamay, hïju. Tantiyakuykur imatapis shumaq ruray.

²⁰ Upyaq runawan y aläpa mikuq runawanqa ama shuntakaysu.

²¹ Upyaqkuna y aläpa mikuqkunaqa pasaypa muchuqmi rikakuyan. Saynölami qela runapis mödanantapis oqraykun.

16

²² Taytayki yäsishushqaykita shumaq chaskikuy. Mamayki chakwanyaptinpis manakaqman ama churaysu.

²³ Rasunpaypa tantiyakuq kanaykipaq imanöpapis yachakuy. Tantiyakuq kashqaykitaqa imaypis ama kachariysu.

²⁴ Surin ali portakuptin papänin kushishqami kawan. Shumaq yachakuptin waräwami purin.

²⁵ ¡Mamayki y taytayki kushikuyänanpaq ali kaway! <> nir kushikuyäsun.

17

²⁶ Lapan shonquykiwan cäsukamay, hïju. Imano kawashqätapis rikakamay.

²⁷ Prostitüta warmiqa pasapa shiminno mansariypaqmi kaykan.

²⁸ Say niraq warmiqa uywakunata shuyaraq leonnömi runakunata perdisinanpaq shuyaraykan.

18

²⁹ ¿Pïkunataq aläpa nakayan? ¿Pïkunataq aläpa lakikuyan? ¿Pïkunataq pasaypa rimanakur y jaqayäsinakur puriyan? ¿Pïkunataq manakaqlapita pelyayan y nawinkunapis qoyuy qoyuy puriyan?

³⁰ Paykunaqa kaykäyan upyalaman churakash runakunami. Shinkäsikuqkunata talu talurkur upurmi imaypis sayno puriyan.

³¹ Väsucho vïnu pukaypa pukar munapaypaq kaptinpis ama upunkisu. Mishkila ultaptikipis

³² culebrapa venënunnömi nanäsishunki.

³³ Shinkakurkurqa sakäpakushnömi rikapakunki. Saynöpis manakaqkunata parlarmi purinki.

³⁴ Umaykipis pasaypami jirurunqa. Büqui chawpincho ichiraykaq qeru puntanman wisaptiki umayki jiruruqnömi kankipaq.

³⁵ Saymi kayno ninkipaq: <>.