Oseas 9 - Tayta Diospa Wilakuynin

Israel runakunata nacionninpita qarqunanpaq nishqan

¹ Israel runakuna, mañösa warmi runanta kachariykuqnömi qamkunapis Tayta Diosta kachariykuyashkanki. Cosëchayki ali kananta munarmi juk diosman yärakuykäyanki. Pägupaq rayku prostitüta warmi juk runawan punushqannömi qamkunapis kaykäyanki. Sayno kaykarqa cosëchata shuntayashqaykipita ama kushikuyaysu. Wakin nación runakunanöqa kushikuypita ama saltaykachäyaysu.

² Trïgupis mikuyänaykipaq ni vïnupis upuyänaykipaq manami aypanqasu.

³ Tayta Dios rikasiyäshushqayki nacioncho täyänaykipa trukanqa Egiptumanmi kutiyanki. Asiriachöna täyashpaykimi mana mikuyänaykipaq kaq impüru mikuykunata mikuyanki.

⁴ Saycho manami Tayta Diospaq vïnuta altarman winapäyankinasu. Sacrificiuta rupasiyaptikipis manami chaskiyäshunkinasu. Ayata yataq runa impüru kashqannömi mikuynikikunapis impüru kanqa. Say mikuyta pipis mikurqa impürumi rikakunqa. Manami Tayta Diospa templunman apayänaykipaqnösu kanqa, sinöqa kikikikuna mikuyänalaykipaqmi.

⁵ Sayno kaptinqa ¡imataraq rurayanki Tayta Diosta adorar fiestata rurayashqayki junaq!

⁶ Asiria runakuna mana ushakäsiyäshunaykipaq qeshpirmi Egiptuchöna täyanki. Wayikikunapita apurädu yarqurmi qellaynikikunatapis kachariyankipaq. Qellaynikikuna kashqanchöpis ishankalami jeqamunqa. Wayikikunachöpis kashalami winanqa. Egiptucho wanuptiki Menfis jäpa markamanmi pampayäshunki.

Profëtakuna wilakuyashqanta Israel runakuna mana chaskiyashqan

⁷ Israel runakunata Tayta Dios castigananpaq kaq junaqkuna chämushnami. Jusaykikunaman tupumi juzgashunki. Pasaypa nakarraqmi Tayta Dios castigashushqaykita tantiyayanki. Qamkuna nikäyanki profëtakuna mana tantiyakuq kayashqantami. Saynöpis nikäyanki Tayta Diospa wilakuqninkuna löcu kayashqantami. Sayno nikäyanki pasaypa jusasapa y chiki kayashpaykimi.

⁸ Kikin Tayta Diosmi profëtata churash Israelcho rikachakuq japuy kananpaq. Sayno kaptinpis mana aliman churakänanpaq trampata churapaqnömi kaykäyanki. Profëtakunata chikir Tayta Diospa templunchöpis contranmi sharkuykäyanki.

⁹ Gabaacho unay runakuna seqaypa jusasapa kayashqannömi qamkunapis jusasapa kaykäyanki. Sayno kayashqaykita Tayta Dios yarparaykanmi. Paymi lapan jusaykikunapita castigashunki.

Israel runakunapa wamrankuna nakayänanpaq nishqan

¹⁰ Tayta Diosmi nin: <

¹¹ <

¹² Yuriqlantapis wamrakunata chipyaqmi ushakäsishaq. ¡Wawalaw! Kachariykuptï kuyapaypaqmi nakayanqa.

¹³ Israel nacionta rikashkä kuyaylapaq Tiro markatanömi. Sayno kaptinpis mana cäsukamar surinkunata castïguman apaqnömi kaykäyan. Castigaptïmi surinkunapis wanusish kayanqa>>.

¹⁴ Jusankunaman tupu Israel runakunata castigay, Tayta Dios. Warminkunapis qoluq rikakuyäsun. Wawan yuriptinpis lichin ama kasunsu.

¹⁵ Tayta Diosmi nin: <

¹⁶ Efraín runakunaqa qarwashtash jachanömi kaykäyan. Jaqwan sakish jacha manana wayushqannömi paykunapis wamraynaq rikakuyanqa. Wamrankuna kaptinpis lapantami wanusir ushashaq>>.

¹⁷ Efraín runakuna mana cäsukuq kayashqanpitami Tayta Dios kachariykunqa. Nacionninpita qarqush karmi wakläpa kayläpa purikuyanqa.