Oseas 8 - Tayta Diospa Wilakuynin

Ïdulukunata adorayashqanpita castigananpaq nishqan

¹ <<¡Marka täpaq runakuna, cornëtata tukayay! ¡Kuyashqä runakunata atacayänanpaq contrankuna ankanöraqmi shamuykäyan! Paykunataqa pactu rurashqäta y leynïkunata mana cumpliyashqanpitami castigashaq.

² Israel runakunaqa manakamar nikäyäman: <¡Yanapaykayälämay, Taytay! ¡Qammi kanki Tayta Diosnïkuna! ¡Noqakunaqa kuyashqayki Israel runakunami kaykäyä!>

³ Sayno manakaykäyämarpis ali kawayänanpaq nishqäta manami chaskikuyashsu. Saymi castigaptï chikiqninkuna atacar qatikachäyanqa.

⁴ Paykunaqa mana tapukayämaylapami mandaqnin reykunata churayash. Mana manakayämaylapami autoridäninkunatapis churayash. Qellaypita y qoripitami ïdulukunatapis rurayash. Sayno rurayashqanpitami ushakäyanqa.

⁵ <

⁶ ¡Israel runakuna, wiyakuyay! Say adorayashqayki turïtuqa manami Diossu, sinöqa runa rurashlami. Saymi pasaypa aqullar ushakäsishaq.

⁷ <

⁸ ¡Israel nación ushakanqami! Juklä nación runakunaqa mana sirviq uyllutanömi rikayanqa.

⁹ Israel runakunaqa chucaru ashnuno karmi Asiria nación runakunaman aywaykäyan. Paykunaqa waynäkuq warminömi kaykäyan.

¹⁰ Asiria nacionta y wakin nacionkunata sayno pägayaptinpis say nacionkunatami shuntashaq atacayänanpaq. Munayyuq reypa munaynincho karmi juk tiempuyaq nakayanqa.

¹¹ <

¹² Paykunapaq aska leykunata qelqasish kaptïpis manami cäsukuyansu.

¹³ Sacrificiukunata altarcho rupasirmi aysata kushish mikuykäyan. Sayno rurayaptinpis say sacrificiukuna manami shonqüpaqnösu kaykan. Jusalikuyashqantaqa manami imaypis qonqashaqsu. Perdonanäpa trukan castigaptïmi Egiptuman kutiyanqa.

¹⁴ Kamaqnin Tayta Dios kaykaptïpis Israel runakuna manami yärakayämansu. Yärakayämänanpa trukanqa amparakuyänanpaq palaciukunatami sharkaykäsiyan. Judá runakunapis ali murallash markankunamanmi yärakuykäyan. Nina rupar ushashqannömi murallash markankunata y ali sharkasishqan palaciunkunatapis ushakäsishaq>>.