Oseas 6 - Tayta Diospa Wilakuynin

Israel runakuna Tayta Diosman yapay yärakuyänanpaq nishqan

¹ Tayta Diosman yapay yärakushun. Castigarkamashpansipis kachakäsimäshunmi. Yawarlana astarkamashpansipis jampimäshunmi.

² Wanushno kaykashqapis elaqpitami sharkasimäshun. Nawpancho kawanansipaqmi yanapämäshun.

³ ¡Tayta Diosman imanöpapis kutishun! Pasa waraptin inti jeqamunanpaq kashqanta musyashqansinömi kuyapämänansipaq kashqantapis musyansi. Usya tiempu päsaptin tamya qalaykunanpaq kashqanta musyashqansinömi yanapämänansipaq kashqantapis musyansi.

Tayta Dios contestashqan

⁴ Tayta Diosmi kayno nin: <

⁵ Saymi profëtäkunawan wilakasimushqäno qamkunata ushakäsiyashkä. Wilakasimushqänömi qamkunata wanusiyashkä. Wilakuynï aksino karmi tantiyasiyäshushkanki jusayuq kayashqaykita.

⁶ Ofrendakunata apayämushqaykipitapis mas munä kuyapäkuq kayänaykitami. Sacrificiuta rupasiyashqaykipitapis mas munä noqata reqiyämänaykitami.

⁷ <

⁸ Galaad markachöqa yaqa runakunalami kaykäyan. Saychöqa wanusinakuylami kaykan.

⁹ Cürakunapis Siquemman aywaq nänichömi asaltaykäyan. Paykunaqa maysaychömi runakunata wanuykäsiyan. Saynöpis imayka niraq jusatami jusalikuykäyan.

¹⁰ <

¹¹ Judá runakuna, qamkunatapis castïgu shuyaraykäyäshunkimi. <