Oseas 4 - Tayta Diospa Wilakuynin

Israel runakuna jusalikuyaptin Tayta Dios rabyakushqan

¹ Israel runakuna, Tayta Dios niyäshushqaykita tantiyakuyay. Paymi jusalikuyashqaykipita acusaykäyäshunki. Saymi niyäshunki: <

² Jutïcho promitirkurpis manami cumpliykäyankisu. Saynöpis lulakuykäyanki, runa mayikita wanuykäsiyanki, suwakuykäyanki y jukpa warminwanpis punuykäyanki. Pïmayta wanusirpis manami ajayäyankisu.

³ Sayno kayaptikimi Israelcho taqkuna fiyupa lakikuywan ima ruraytapis kamäpakuyansu. Jirka uywakunapis, pishqukunapis y pescädukunapis wanurmi ushakaykäyan>>.

Cürakuna jusalikuyashqan

⁴ Tayta Diosmi cürakunata nin: <

⁵ Jusayuq kayashqaykipitaqa imay karpis elaqpitami castigayäshayki. Qamkunatapis y lula profëtaykikunatapis castigarmi nacionnikita ushakäsishaq.

⁶ Yachasikuq kaykar mandamientükunata mana yachasiyaptikimi kuyashqä runakuna ushakäyanqa. Kikikikunapis manami yachasikuynïkunata chaskikuyankisu. Mana chaskikuyashqaykipitami cüra kaykäyashqaykipita qarquyäshayki. Leynïkunata mana cumpliyashqaykipitami qamkunapita miraqkunatapis yanapäshaqnasu.

⁷ <

⁸ Jusalikuyashqanpita uywata sacrificiupaq apayämuptinmi kushikuyanki. Sacrificiu aysata chaskiyänayki kashqami runakuna mas jusalikuyänanta munaykäyanki.

⁹ Wakin runakuna jusalikuyashqannölami qamkunapis jusalikuykäyanki. Saymi qamkunatapis wakin runakunatanöla castigayäshayki.

¹⁰ Mana cäsukayämashqaykipitami mikuyänaykipaq tariyaptikipis ukushnikikunata watarkuyänalaykipaq kanqa. Juk dioskunaman yärakurpis manami ima bendiciontapis chaskiyankisu>>.

Israel runakuna ïdulukunata adorayashqan

¹¹ <

¹² ¡Saymi qerupita rurash ïdulukunata tapukuykäyan! ¡Qeruwanmi suertita rikaykäyan! Ïdulukunaman uman churakash karmi lutanta rurar kawaykäyan. Warminta runa kacharir juk warmiwan tashqannömi noqatapis mana cäsumar juk diosman yärakuykäyan.

¹³ Lömacho kaykaq altarkunacho sacrificiutapis rupasirmi juk dioskunata inciensuwan qoshniykäsiyan. Roble, álamo y encina jachakuna chakincho lantuy ali kaptinmi say jachakuna kaqcho sayno ruraykäyan. <

¹⁴ Qamkunapis saynölami juk dioskunapaq sacrificiuta rupasir altarkunacho jukwan jukwan kakuq warmikunawan kakuykäyanki. Warmi surikikunata y lumsuynikikunata sayno kayänanpaq churayashqaykipita paykunata castiganäpa trukanqa kikikikunatami castigayäshayki. Mana tantiyakuq kayaynikipami lapayki ushakäyanki.

¹⁵ <

¹⁶ <

¹⁷ Efraín runakunaqa ïdulukunatami adoraykäyan. Saynöla karqa ¡ima supaynöpis kakuyäsun!

¹⁸ Paykunaqa upyalaman churakashqami kaykäyan. Altarkunacho kaykaq prostitüta warmikunamanmi imaypis aywaykäyan. Autoridäninkunapis jusalikur penqakuypaqmi kaykäyan.

¹⁹ Sayno kayashqanpitami punshata shukukuy apaqno castigar maysaymanpis qarqushaq. Juk dioskunaman yärakuyashqanpis manakaqlapaqmi kanqa>>.