Oseas 14 - Tayta Diospa Wilakuynin

Tayta Diosman yapay yärakuyänanpaq yäsishqan

¹ 1 (2) Israel runakuna, jusalikuyashqaykipitami castïguman chäyashkanki. Sayno kaykarqa kuyashuqniki Tayta Diosman kutikuyay.

² 2 (3) Tayta Diosta kayno manakuyay: <

³ 3 (4) Asiria runakunaqa manami salvayämanqasu. Ni paykunapa cawallukunata loqakurkur pelyarpis manami vinciyäshaqsu. Runa rurashqankunata manami nir adorayäshaqnasu. Qamman yärakayämuptinmi waksakunatapis kuyapanki>>.

Israel runakunata perdonananpaq Tayta Dios nishqan

⁴ 4 (5) Tayta Diosmi nin: <

⁵ 5 (6) Bendicionnïta churamur shulyanömi qamkunapaq kaykäshaq. Qamkunanami liriu wayta kuyaylapaq tuktushqanno kayanki. Líbanucho jatusaq cedru jacha shumaq jaqwäkushqannömi kayanki.

⁶ 6 (7) Olïvu jachakunapa rämankuna palqar mashtakashqannömi qamkunapis askaman mirayanki. Líbano munticho cedru mushkuptin kushikuypaq kashqannömi qamkunapis kushikuypaq kayanki.

⁷ 7 (8) Qamkuna yapaymi noqapa makïcho kawayanki. Trïgu shikshiraykaqno y üva chinkiraykaqnömi kayanki. Líbanucho wayuq üvapita vïnu ali kashqanta maysaychöpis parlayashqannömi qamkunapaqpis ali kawayashqaykita maysaychöpis parlayanqa.

⁸ 8 (9) Noqami qamkunata imapitapis sapaykä. Noqami copösu pïnu jachano lantupaykä. Noqami lapanchöpis yanapaykä. Sayta tantiyakurirmi <¡ïdulukuna manami imapaqpis välinsu!> niyanki>>.

⁹ 9 (10) Yachaqkuna y yarpaysapakuna kay wilakuyta tantiyakuyäsun. Tayta Diospa näninqa derëchumi. Ali runakunaqa saypa purir manami ishkiyansu. Jusasapakunami isanqa say nänipa aywar ishkiyan.