Oseas 10 - Tayta Diospa Wilakuynin

Israelcho altarkunata ushakäsiyänanpaq nishqan

¹ Israel runakunaqa rïcu kayashpanmi tampiyparaq wayuq üvano kaykäyan. Rïcuyarmi manakaq dioskunapaq altarkunata ruraykäyan. Mikuynin wayuptinpis adorayashqan wankakunatami kuyaylapaqta adornaykäyan.

² Tayta Dioslata sirviyänanpaq promitirpis manami cumpliykäyansu. Kananqa Tayta Diostami cuentata qoyanqa. Paymi altarninkunata y ichisiyashqan wankakunatapis shalur ushakäsiyanqa.

³ Saymi Israel runakuna niyanqa: <

⁴ Mandamaqninsi reykunaqa criyisimänalansipaqmi imatapis promitiyan. Pactuta rurarpis manami cumpliyansu. Soquncha mirar chakracho aska kashqannömi nacionninsicho mana ali ruraykunalana kaykan>>.

⁵ ¡Samaria runakunapis mansakashqami kaykäyan! ¡Bet-avéncho adorayashqan qori turïtuta apakuyänanpaq kashqantami tantiyaykäyan! Cürakunapis y runakunapis waqaykäyan kuyayashqan ïdulu manana kananpaq kashqanta musyarmi.

⁶ Soldädukuna say ïduluta apakurmi Asiria nacionpa mandaqnin reyta qaraykuyanqa. Saynöpami Efraín runakuna pasaypa penqakush kayanqa. Ïduluman yärakuyashqanpitami penqakush uysuräyanqa.

⁷ Samariacho taq reytapis shakluta yaku apaqnömi prësu apakuyanqa.

⁸ Avéncho kaykaq altarkunatapis lapantami juchusiyanqa. Say altarkunachömi Israel runakuna ïdulukunata adorar jusalikuykäyan. Juchusir ushayaptinmi say altarkuna kashqancho kashakunalana y shirakakunalana winayämunqa. Say wisanmi runakuna pasaypa nakar jirkakunata niyanqa: <<¡Jukla ushakäyänäpaq janäkunaman juchumuy!>> Qaqakunatapis niyanqa: <<¡Jukla nitikarkayämay!>>

Israel runakuna mana cäsukuyashqan

⁹ Tayta Diosmi nin: <

¹⁰ Imaypis munashqä hörami castigayäshayki. Penqakuypaq jusalikuyashqaykipita castigaptïmi maysay nacionpita runakuna shayämunqa atacayäshunaykipaq.

¹¹ <

¹² <

¹³ <

¹⁴ Saymi nacionnikicho guërralana kanqa. Amparakuyänayki wayikikunapis juchusishqami kanqa. Bet-arbelcho guërra kaptin Salmán runakunata ushakäsiyashqannömi qamkunatapis warmikitapis y wamraykikunatapis ushakäsiyäshunki.

¹⁵ Bet-el runakuna, aläpa jusalikuyashqaykipita qamkunatapis saynömi rurayäshunki. Israel nacionta atacayashpanmi mandaqnin reytapis pasa manaraq waraptin wanusiyanqa>>.