Números 9 - Tayta Diospa Wilakuynin

Pascua fiestata rurayänanpaq nishqan

¹ Egiptupita Israel runakuna yarqayämushqanpita juk wata cumplirkuptinnami ishkay kaq wata qalaykunan killa Sinaí sunyaq jirkacho Moisésta Tayta Dios nirqan:

² <

³ Pascua fiesta qalaykunqa kay killa chunka chusku junaq tardimi. Sayta rurayanqa imanöpis rurayänanpaq yäsishqänölami>>.

⁴ Sayno niptinmi Israel mayinkunata Moisés nirqan Pascua fiestata rurayänanpaq.

⁵ Saynöpami Moisésta Tayta Dios nishqannöla wata qalaykunan killa chunka chusku junaq tardipita qalaykur Sinaí jirkacho Pascua fiestata rurayarqan.

⁶ Wakinqa ayata yatayashqanpita impüru karmi Pascua carnishta pishtayarqansu. Saymi say junaqla aywar Moiséstawan

⁷ Aarónta niyarqan: <>

⁸ Sayno niyaptinmi Moisés nirqan: <>.

⁹ Tapukuptinnami Moisésta Tayta Dios nirqan:

¹⁰ <

¹¹ Isanqa sayno kaqkunaqa juk killa päsarkuptinraq chunka chusku junaq tardipa Pascuapaq carnishta pishtayanqa. Say tardi pishtayashqan carnishpa aysanta kankarkur levadüraynaq tantalanpa y iwjiq jachalanpa mikuyanqa.

¹² Say aysata manami waraynin junaqpaq pusüsiyanqasu ni tulunkunatapis pakiyanqasu. Rurayänaykipaq nishqänöla Pascua fiestata rurayanki.

¹³ Püru kaykar y maypapis mana ilash kaykar Pascua fiestata mana ruraq kaqtaqa Israel runakunapita qarquyay. Nishqä junaq adoramar Pascua fiestapaq carnishta mana pishtaq kaqtaqa qarquyay.

¹⁴ << >>.

Sagrädu Toldu janancho pukutay kashqan

¹⁵ Pactu Tolduta sharkasiyaptinmi pukutay sapakurkurqan. Pasa sakashqanpita pasa warashqanyaqmi say toldu janancho ninano asikyarqan.

¹⁶ Saynölami imaypis junaqpa pukutay saparaq y sakaypana ninano asikyaq.

¹⁷ Tinkuna Sagrädu Toldu jananpita pukutay sharkur aywaptinmi Israel runakuna posädaräyashqanpita aywakuyaq. Pukutay takyaptinnami jinalancho posädakuyaq.

¹⁸ Say pukutaywanmi Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. Saymi Sagrädu Toldu jananpita pukutay aywayta qalaykushqanyaq posädakuyashlancho täyaq.

¹⁹ Sagrädu Toldu jananpita aska junaq pukutay mana aywaptinqa Tayta Diosta cäsukur Israel runakuna saylachömi posädaräkuyaq.

²⁰ Juk ishkay junaqla Sagrädu Toldu janancho pukutay kaptinqa say junaqkunalami saycho posädaräyaq. Pukutay aywaptinqa paykunapis aywayaqmi. Saynöpami Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis.

²¹ Aybësisqa juk sakaylami Tinkuna Sagrädu Toldu janancho pukutay ichiraq. Pasa waraskiptin pukutay aywaqta rikarqa Israel runakunapis aywayaqmi. Saynölami sakaypapis junaqpapis pukutay aywaptinqa aywayaq.

²² Sagrädu Toldu janancho pukutay ishkay junaq kaptinpis o juk killa kaptinpis o juk wata kaptinpis Israel runakuna jinalanchömi posädaräkuyaq. Pukutay aywaptinqa paykunapis aywayaqmi.

²³ Saynöpami Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. Moisésta Tayta Dios nishqannölami Israel runakuna lapantapis rurayarqan.