Números 8 - Tayta Diospa Wilakuynin

Candelabruman mechërukunata imano churananpaqpis tantiyasishqan

¹ Saypitami Moisésta Tayta Dios nirqan:

² < >>.

³ Saymi Moisésta Tayta Dios nishqannöla Aarónqa puntanmanpa asikyapänanpaq mechërukunata candelabruman churarqan.

⁴ Say candelabrumi jamakunanpita puntanyaq martilluwan takaylapa qoripita rurash karqan. Tayta Dios rikasishqantanölami say candelabruta Moisés rurasirqan.

Tayta Diosta sirviyänanpaq levitakunata churayashqan

⁵ Moiséstami Tayta Dios nirqan:

⁶ <

⁷ Purificasinaykipaqqa paykunapa jananman yakuta saqsupanki. Cuerpunkunapita shaprankunata rutukuskir mödanankunata taqshakuyanqa. Saynöpami purificashna kayanqa.

⁸ Nirkurnami apayämunqa juk turïtuta rupasina sacrificiupaq y aceitiwan pichush jarinata saki mikuy ofrendapaq. Saynöla purificasina sacrificiupaqpis juk turïtuta apamuyämunqa.

⁹ <

¹⁰ Noqapa nawpäman levitakuna shayämuptin Israel runakunapa mandaqninkuna paykunapa umanman makinta churayanqa.

¹¹ Nirkurnami makinta Aarón joqarishpan nawpächo paykunata dedicanqa sirviyämänanpaq. Saynöpami levitakuna Israel runakuna apayämushqan ofrendano kayanqa.

¹² <

¹³ <

¹⁴ Saynöpami Israel runakunapita levitakunata rakinki noqapa kayänanpaq.

¹⁵ Purificash y dedicash karnami paykuna libri kayanqa Tinkuna Tolducho imapis ruraypaq kaqkunata rurayänanpaq.

¹⁶ <

¹⁷ Egipto runakunapa qechpa olqu surinkunata wanusishqä junaqpitami Israel runakunapa qechpa olqu surinkunapis uywankunapa punta yuriq orqu wawankunapis noqapa kaykan.

¹⁸ Saymi levitakuna noqapa kaykäyan Israel runakunapa qechpa olqu surinkunapa trukan.

¹⁹ Levitakunatami churashkä Israel runakunapa trukan Tinkuna Tolducho Aarónta y surinkunata yanapäyänanpaq. Saynöpami Israel runakunata Tinkuna Tolduman aywayaptin castigashaqsu>>.

²⁰ Tayta Dios nishqannölami Moisés, Aarón y lapan Israel runakuna levitakunata churayarqan Tayta Diosta sirviyänanpaq.

²¹ Saymi levitakuna purificakur armakuyarqan y mödanankunatapis taqshakuyarqan. Saypitanami makinta joqarir Tayta Diospaq paykunata Aarón dedicarqan. Nirkurnami purificasina sacrificiuta rupasirqan purificash kayänanpaq.

²² Sayno dedicarkuptinnami levitakuna Aarónta y surinkunata Tinkuna Toldu patiucho yanapayta qalaykuyarqan. Moisésta Tayta Dios nishqannölami levitakunata dedicar lapanta rurarqan.

Sagrädu Tolducho levitakuna ayka wata sirviyänanpaqpis tantiyasishqan

²³ Saypitami Moisésta Tayta Dios nirqan:

²⁴ <

²⁵ Pisqa chunka (50) watayuq karnaqa jubilakuyanqanami.

²⁶ Jubilakurpis tiempun kashqan höra levita mayinkunata Tinkuna Tolducho yanapäyanqa. Isanqa nawpata sirviyashqannöqa mananami sirviyanqanasu. Sayno kayänanpaq levitakunata niy>>.