Números 7 - Tayta Diospa Wilakuynin

Sagrädu Toldupaq ofrendakunata apayashqan

¹ Sharkasiyta ushaskirnami sagrädu kananpaq Sagrädu Tolduman y lapan manëjunkunaman aceitita Moisés winaparqan. Saynölami altarman y altarpa manëjunkunamanpis aceitita winaparqan.

² Saypitanami censaycho yanapaq cada trïbupa mandaqninkuna Tinkuna Sagrädu Tolduman ofrendankunata apayarqan.

³ Cada mandaqmi juk töruta aparqan. Cada ishkay mandaqkunanami sapanayuq juk carrëtata apayarqan. Saymi chunka ishkay törukuna y sapanayuq soqta carrëtakuna kayarqan. Lapan apayashqankunatami Sagrädu Toldupa nawpanman chäsiyarqan.

⁴ Saymi Moisésta Tayta Dios nirqan:

⁵ <>.

⁶ Sayno niptinmi carrëtakunata y törukunata chaskiskir levitakunata Moisés aypurqan.

⁷ Gersónpita miraq levitakunatami ishkay carrëtakunata y chusku törukunata aypurqan apayänanpaq kaqkunata apayänanpaq.

⁸ Meraripita miraq levitakunatanami chusku carrëtakunata y puwaq törukunata aypurqan apananpaq kaqkunata apayänanpaq. Paykunaqa cüra Aarónpa surin Itamar mandashqantami rurayarqan.

⁹ Coatpita miraq levitakunatami isanqa aypurqansu. Paykunaqa sagrädu kaqkunata umrushlami apayarqan.

¹⁰ Altarta dedicayänanpaqmi say chunka ishkay mandaqkuna ofrendankunata apayarqan. Saymi sagrädu kananpaq altarman aceitita winapaptin ofrendankunata altarpa nawpanman churayarqan.

¹¹ Saypitanami Moisésta Tayta Dios nirqan: <>.

¹² Punta kaq junaqchömi Judá trïbu Aminadabpa surin Naasón ofrendanta aparqan.

¹³ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

¹⁴ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

¹⁵ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

¹⁶ Purificasina sacrificiupaqmi juk chïvuta aparqan.

¹⁷ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Aminadabpa surin Naasónpa ofrendankunami.

¹⁸ Ishkay kaq junaqchönami Isacar trïbu Zuarpa surin Natanael ofrendanta aparqan.

¹⁹ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

²⁰ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

²¹ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

²² Purificasina sacrificiupaqmi juk chïvuta aparqan.

²³ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Zuarpa surin Natanaelpa ofrendankunami.

²⁴ Kimsa kaq junaqchönami Zabulón trïbu Helónpa surin Eliab ofrendanta aparqan.

²⁵ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

²⁶ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

²⁷ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

²⁸ Purificasina sacrificiupaqmi juk chïvuta aparqan.

²⁹ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Elónpa surin Zabulónpa ofrendankunami.

³⁰ Chusku kaq junaqchönami Rubén trïbu Sedeurpa surin Elisur ofrendanta aparqan.

³¹ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

³² Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

³³ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

³⁴ Purificasina sacrificiupaqmi juk chïvuta aparqan.

³⁵ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Sedeurpa surin Elisurpa ofrendankunami.

³⁶ Pisqa kaq junaqchönami Simeón trïbu Zurisadaipa surin Selumiel ofrendanta aparqan.

³⁷ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

³⁸ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

³⁹ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁴⁰ Purificasina sacrificiupaqmi juk chïvuta aparqan.

⁴¹ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Zurisadaipa surin Selumielpa ofrendankunami.

⁴² Soqta kaq junaqchönami Gad trïbu Reuelpa surin Eliasaf ofrendanta aparqan.

⁴³ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

⁴⁴ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

⁴⁵ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁴⁶ Purificasina sacrificiupaqmi juk chïvuta aparqan.

⁴⁷ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Reuelpa surin Eliasafpa ofrendankunami.

⁴⁸ Qanchis kaq junaqchönami Efraín trïbu Amiudpa surin Elisama ofrendanta aparqan.

⁴⁹ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

⁵⁰ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

⁵¹ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁵² Purificasina sacrificiupaqmi juk chïvuta aparqan.

⁵³ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Amiudpa surin Elisamapa ofrendankunami.

⁵⁴ Puwaq kaq junaqchönami Manasés trïbu Pedasurpa surin Gamaliel ofrendanta aparqan.

⁵⁵ Paymi aparqan qellaypita rurash juk plätuta y juk lavatoriuta. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

⁵⁶ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

⁵⁷ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁵⁸ Purificasina sacrificiupaqmi juk chïvuta aparqan.

⁵⁹ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Pedasurpa surin Gamalielpa ofrendankunami.

⁶⁰ Esqun kaq junaqchönami Benjamín trïbu Gedeonipa surin Abidán ofrendanta aparqan.

⁶¹ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

⁶² Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

⁶³ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁶⁴ Purificasina sacrificiupaqmi juk chïvuta aparqan.

⁶⁵ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Gedeonipa surin Abidánpa ofrendankunami.

⁶⁶ Chunka kaq junaqchönami Dan trïbu Amisadaipa surin Ahiezer ofrendanta aparqan.

⁶⁷ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

⁶⁸ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

⁶⁹ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁷⁰ Purificasina sacrificiupaqmi juk chïvuta aparqan.

⁷¹ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Amisadaipa surin Ahiezerpa ofrendankunami.

⁷² Chunka juk kaq junaqchönami Aser trïbu Ocránpa surin Pagiel ofrendanta aparqan.

⁷³ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

⁷⁴ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

⁷⁵ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁷⁶ Purificasina sacrificiupaqmi juk chïvuta aparqan.

⁷⁷ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Ocránpa surin Pagielpa ofrendankunami.

⁷⁸ Chunka ishkay kaq junaqchönami Neftalí trïbu Enánpa surin Ahira ofrendanta aparqan.

⁷⁹ Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

⁸⁰ Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

⁸¹ Saynöpis rupasina sacrificiupaq juk turïtuta, juk carnita y juk watayuq carnishtami aparqan.

⁸² Purificasina sacrificiupaqmi juk chïvuta aparqan.

⁸³ Jawka kawakuy sacrificiupaqnami aparqan ishkay töruta, pisqa carnikunata, pisqa chïvukunata y juk watayuq pisqa carnishkunatapis. Saykuna karqan Enánpa surin Ahirapa ofrendankunami.

⁸⁴ Saynömi altarta dedicayänanpaq Israel runakunapa mandaqninkuna ofrendankunata apayarqan qellaypita chunka ishkay plätukunata, chunka ishkay tazonkunata y chunka ishkay qori cucharonkunata.

⁸⁵ Cada plätu lasarqan pachak kimsa chunka (130) siclo y cada tazonmi lasarqan qanchis chunka (70) siclo. Saymi tazonkuna y plätukuna ishkay waranqa chusku pachak (2,400) siclo lasarqan. Say qellayta pësayarqan Tinkuna Sagrädu Tolducho kaykaq pësakunawanmi.

⁸⁶ Inciensu junta chunka ishkay qori cucharonkuna cada ünun chunka siclumi lasarqan. Saymi lapan qori pachak ishkay chunka (120) siclo lasarqan. Saykunata Tinkuna Sagrädu Tolducho kaykaq pësakunawanmi pësayarqan.

⁸⁷ Rupasina sacrificiupaq apayashqan uywakuna kayarqan chunka ishkay turïtukuna, chunka ishkay carnikuna y juk watayuq chunka ishkay carnishkuna. Say uywakunatami saki mikuy ofrendankunatawan apayarqan. Purificasina sacrificiupaq apayashqan chïvukuna chunka ishkaymi kayarqan.

⁸⁸ Jawka kawakuy sacrificiupaq apayashqan uywakunanami kayarqan ishkay chunka chusku (24) turïtukuna, soqta chunka (60) carnikuna, soqta chunka chïvukuna y juk watayuq soqta chunka carnishkunapis. Altar sagrädu kananpaq aceitita winaparkurmi say uywakunata rupasir altarta dedicayarqan.

⁸⁹ Tayta Dioswan parlananpaq Tinkuna Tolduman yaykurmi Pactu Babulcho kaykaq ishkay querubinkuna chawpinpita Tayta Dios parlamuqta Moisés wiyarqan. Say querubinkunaqa babulpa sapanan jananchömi kaykäyarqan. Saychömi Moiséswan Tayta Dios parlayarqan.