Números 36 - Tayta Diospa Wilakuynin

Chakrakunata say trïbu runakunala sararäyänanpaq tantiyasishqan

¹ Galaadpita miraq runakunapa mandaqninkunami aywayarqan Moiséswan y Israel mayinkunapa mandaqninkunawan parlayänanpaq. (Galaad karqan Maquirpa surinmi. Maquirmi karqan Manaséspa surin. Manasésmi karqan Josépa surin.)

² Paykunaman chaykurmi niyarqan: <

³ Say jipashkuna juk trïbu Israel mayinsikunawan majasakäyaptinqa chakrankuna manami noqakunapa trïbükunapanasu kanqa, sinöqa runanpa trïbunpanami. Sayno kaptinqa trïbü chaskishqan chakrakuna walkayäyanqami.

⁴ Jubileo wata chämuptinqa runanpa trïbunpaqnami say chakra imayyaqpis kanqa>>.

⁵ Sayno niyaptinmi Tayta Dios tantiyasishqannöla Israel mayinkunata Moisés nirqan: <

⁶ Tayta Diosmi nin:

⁷ Saynöpami juk trïbu runakuna jatikaykäyanqasu juk trïbu runakunapa chakrankunamanqa. Saypa trukanqa cada trïbu runakunami chakrankunata respitasikuyanqa.

⁸ Mayqan trïbu jipashpis chakrata chaskirqa kikinpa trïbun ayllu runalawan majasakanqa. Saynöpami taytanpita chaskishqan chakrata say trïbu runakunala sararäyanqa.

⁹ Juk trïbu runakuna ama jatikäyanqasu juk trïbu runakunapa chakranmanqa. Saypa trukanqa cada trïbu runakuna chakrankunalacho arukuyanqa> >>.

¹⁰ Moisésta Tayta Dios nishqanta Zelofehadpa jipash surinkuna chaskikurmi

¹¹ Maala, Tirsa, Hogla, Milca y Noa tiyunkunapa surinkunalawan majasakäyarqan.

¹² Josépa surin Manasés trïbu runakunawan majasakäyaptinmi chaskiyashqan chakrakuna papäninpa trïbulancho karqan.

¹³ Jericó simpan y Jordán mayu kaqlä Moab pampacho Israel runakuna taykäyaptinmi say leykunata tantiyasinanpaq Moisésta Tayta Dios nirqan.