Números 31 - Tayta Diospa Wilakuynin

Madianita runakunata wanusiyashqan

¹ Moiséstami Tayta Dios nirqan:

² <>.

³ Saymi Israel mayinkunata Moisés nirqan: <

⁴ Cada trïbupita waranqa (1,000) runakuna kayäsun guërraman aywayänanpaq>>.

⁵ Sayno niptinmi cada trïbupita waranqa (1,000) runakunata akrayarqan. Saymi guërraman aywayänanpaq chunka ishkay waranqa (12,000) runakuna kayarqan.

⁶ Say runakunatanami Moisés kacharqan guërraman aywayänanpaq. Paykunawanmi cüra Eleazarpa surin Fineespis aywarqan Tinkuna Sagrädu Toldupita sagrädu manëjukunata y cornëtakunatapis tukananpaq apakurkur.

⁷ Chäyashpanmi Moisésta Tayta Dios nishqannöla madianita runakunata atacar lapan olqu kaqkunata wanusiyarqan.

⁸ Saychömi madianita runakunapa pisqa mandaqnin reykunatapis wanusiyarqan. Say reykunami kayarqan Evi, Requem, Zur, Hur y Reba. Saynöpis wanusiyarqan Beorpa surin Balaamtapis.

⁹ Nirkurnami madianita runakunapa warminkunata, wamrankunata, uywankunata y imaykankunatapis chanin kaqtaqa apakuyarqan.

¹⁰ Lapan markankunatapis wayinkunatapis kayar ushayashpanmi

¹¹ runakunapa imaykantapis shunta shuntarkur y uywankunatapis ayllu ayllurkur apakuyarqan.

¹² Lapan saykunatami apayarqan Moisés, cüra Eleazar y quëdaq Israel mayinkuna kaykäyashqanman. Say wisan Jericó simpan y Jordán mayu kaqlä Moab pampachömi Israel runakuna taykäyarqan.

¹³ Campamentunkunaman manaraq chäsiyaptinmi Moisés, cüra Eleazar y Israel runakunapa lapan mandaqninkunapis taripaq aywayarqan.

¹⁴ Say mandaqkunaqa waranqa (1,000) soldädukunapa mandaqninkuna y pachak (100) soldädukunapa mandaqninkunami kayarqan. Paykunawan tinkurmi Moisés fiyupa rabyakurkurqan.

¹⁵ Saymi rabyashpan nirqan: <<¿Imanirtaq madianita warmikunata wanusiyashkankisu?

¹⁶ Say warmikunami Balaam yäsiptin Israel runakunata pushayarqan Baal-peor diosta adorayänanpaq. Saypitami Tayta Dios fiyu qeshyata yurisiptin noqansicho saysikaq wanuyarqan.

¹⁷ Jukla wanusiyay lapan olqu wamrakunata. Warmikunatapis runawan kakush kaqtaqa wanusiyay.

¹⁸ Doncëlla jipashkunata isanqa apakuyay.

¹⁹ <

²⁰ Mödanankunatapis taqshakuyäsun. Saynöla purificayäsun qarapita rurash kaqkunata, cabrapa aqsanpita awash kaqkunata y qerupita laqlash manëjukunatapis>>.

²¹ Guërrapita kutimuqkunata shuntaykurnami cüra Eleazar nirqan: <

²²

²³ ninawan warisiyanki. Nirkur purificasina yakuwan maylayanki. Saynöpami purificash kanqa. Nina rupananpaq kaqkunatami isanqa yakulawan maylariyanki purificash kayänanpaq.

²⁴ Qanchis junaqta cumplirkur purificash kayänaykipaq mödanaykikunata taqshakuyanki. Saypitaraqmi campamentuman yaykayämunki> >>.

Apayämushqanta rakipänakuyashqan

²⁵ Saypitanami Moisésta Tayta Dios nirqan:

²⁶ <

²⁷ Sayno yupaskir ishkayman iwal rakiyay. Pulan kanqa guërraman aywaqkunapaq y pulanna kanqa wakin Israel runakunapaq.

²⁸ Guërraman aywaqkunapata noqapaq rakiyanki cada pisqa pachak (500) jipashkunapita jukta. Saynöpis noqapaq rakiyanki wäkakunapita, ashnukunapita, uyshakunapita y cabrakunapitapis cada pisqa pachakpita (500) jukta.

²⁹ Noqapaq rakiyashqankunata cüra Eleazartana entreganki.

³⁰ <>.

³¹ Sayno niptinmi cüra Eleazarwan Moisésqa Tayta Dios nishqannöla lapantapis rurayarqan.

³² Guërraman aywaq runakuna apakayämushqan kaqkuna karqan soqta pachak qanchis chunka pisqa waranqa (675,000) cabrantin uyshakuna,

³³ qanchis chunka ishkay waranqa (72,000) wäkakuna,

³⁴ soqta chunka juk waranqa (61,000) ashnukuna,

³⁵ y kimsa chunka ishkay waranqa (32,000) doncëlla jipashkuna.

³⁶ Saypita guërraman aywaqkunapaq rakipäyashqankuna karqan kimsa pachak kimsa chunka qanchis waranqa pisqa pachak (337,500) cabrantin uyshakuna.

³⁷ Say rakipashqanpitami Tayta Diospaq soqta pachak qanchis chunka pisqa (675) cabrakunata y uyshakunata entregayarqan.

³⁸ Kimsa chunka soqta waranqa (36,000) wäkakunapitami Tayta Diospaq entregayarqan qanchis chunka ishkayta (72).

³⁹ Kimsa chunka waranqa pisqa pachak (30,500) ashnukunapitanami Tayta Diospaq entregayarqan soqta chunka jukta (61).

⁴⁰ Chunka soqta waranqa (16,000) jipashkunapitanami Tayta Diospaq entregayarqan kimsa chunka ishkayta (32).

⁴¹ Tayta Dios nishqannölami saykunata Moisés entregarqan cüra Eleazarta.

⁴² Guërraman aywaqkunata rakipashqanpita pulan kaqta Israel mayinkunata Moisés rakipashqankunapis karqan

⁴³ kimsa pachak kimsa chunka qanchis waranqa pisqa pachak (337,500) cabrantin uyshakuna,

⁴⁴ kimsa chunka soqta waranqa (36,000) wäkakuna,

⁴⁵ kimsa chunka waranqa pisqa pachak (30,500) ashnukuna,

⁴⁶ y chunka soqta waranqa (16,000) doncëlla jipashkunapis.

⁴⁷ Tayta Dios nishqannölami cada pisqa chunka (50) jipashkunapita jukta Moisés rakiparqan levitakunata. Saynölami cada pisqa chunka uywakunapitapis jukta rakiparqan levitakunata. Paykunami täpayan Tayta Diospa Sagrädu Toldunta.

⁴⁸ Saypitanami waranqa (1,000) soldädukunapa mandaqninkunawan pachak (100) soldädukunapa mandaqninkuna Moisésta

⁴⁹ niyarqan: <

⁵⁰ Saymi guërracho shuntayämushqanta Tayta Diospaq apaykäyämü qoripita rurash brasilëtakunata, pulcërakunata, sortïjakunata, arëtikunata y wakin alhäjakunatapis. Saykunata apaykäyämü Tayta Dios mana ushakäsimänanpaqmi>>.

⁵¹ Sayno niyaptinmi qoripita rurash adornukunata Moiséswan Eleazar chaskiyarqan.

⁵² Waranqa (1,000) soldädukunapa mandaqninkunawan pachak (100) soldädukunapa mandaqninkuna Tayta Diospaq apayashqan qorimi lasarqan pachak puwaq chunka chusku kïlu (184).

⁵³ Say entregayashqan qori alhäjakuna kayarqan pelyaman aywaq soldädukuna cada ünun apakuyashqanpitami.

⁵⁴ Mandaqkuna apayashqan qoripita rurash alhäjakunata chaskirkurmi Moiséswan Eleazar Tinkuna Tolduman churayarqan Israel runakunata Tayta Dios yanapashqanta imaypis yarparäyänanpaq.