Números 3 - Tayta Diospa Wilakuynin

Levitakunata tantiyasishqan

¹ Sinaí jirkacho Moisésta Tayta Dios parlapänan wisan Moiséspa y Aarónpa surinkuna kayarqannami.

² Aarónpa surinkuna kayarqan Nadab, Abiú, Eleazar y Itamar. Nadab karqan qechpa surinmi.

³ Paykunatami cüra kayänanpaq Moisés churarqan.

⁴ Sinaí sunyaq jirkacho yarpaylankunapita inciensuwan qoshnisiyashqanpitami Nadabwan Abiú suriynaqla Tayta Diospa nawpancho wanuyarqan. Eleazarwan Itamarnami taytan Aarón yäsishqannöla cüra kayarqan.

⁵ Saypitanami Moisésta Tayta Dios nirqan:

⁶ <

⁷ Paykunami Aarónta y Israel mayinkunata yanapar Tinkunansi Tolducho imapis ruraypaq kaqkunata rurayanqa.

⁸ Tolducho lapan manëjukunatapis shumaq rikayanqa. Paykunami Israel mayinkunapa trukan Tinkunansi Sagrädu Tolducho imapis ruraypaq kaqkunata rurayanqa.

⁹ Sayno kaptinqa levitakunata churay Aarónpa y paypita miraqkunapa makincho kar imaypis yanapäyänanpaq.

¹⁰ Aarón y paypita miraqkunalami cüra kayanqa. Pipis cüra mana kaykar cüra rurananpaq kaqkunata rurarqa wanunqami>>.

Levitakunata Tayta Dios akrashqan

¹¹ Nirkurnami Moisésta Tayta Dios nirqan:

^12-13 <>.

Leví trïbuta censayashqan

¹⁴ Sinaí sunyaq jirkachömi Moisésta Tayta Dios nirqan:

¹⁵ <>.

¹⁶ Tayta Dios nishqannölami Moisés censarqan.

¹⁷ Levípa surinkunami kayarqan Gersón, Coat y Merari.

¹⁸ Gersónpa surinkunami kayarqan Libniwan Simei. Paykunapita miraqkunami kaykäyan Libni ayllu y Simei ayllu runakuna.

¹⁹ Coatpa surinkuna kayarqan Amram, Izhar, Hebrón y Uziel. Paykunapita miraqkunami kaykäyan Amram ayllu, Izhar ayllu, Hebrón ayllu y Uziel ayllu runakuna.

²⁰ Meraripa surinkunami kayarqan Mahliwan Musi. Paykunapita miraqkunami kaykäyan Mahli ayllu y Musi ayllu runakuna. Saynömi levitakunapa ayllunkuna qechpapita shulkayaq kaykäyan.

²¹ Gersónpita miraqkunami kaykäyan Libni ayllu y Simei ayllu runakuna.

²² Juk killayuqpita janaman lapan olqukunata yupaptin say ishkay ayllu runakuna kayarqan qanchis waranqa pisqa pachakmi (7,500).

²³ Gersónpita miraqkunami Sagrädu Toldupita inti jeqanan kaqläpa toldunkunata sharkasiyarqan.

²⁴ Paykunapa mandaqninmi karqan Laelpa surin Eliasaf.

²⁵ Say ishkay ayllu runakunami Tinkuna Tolduta, qataraq toldukunata y yaykuna cortïnatapis cuidayaq.

²⁶ Saynöpis cuidayaq patiupa cortïnankunata, patiuman yaykuna cortïnata y watunkunatapis. Say patiuqa Tinkuna Sagrädu Toldupa y altarpa intëru waqtankunapami karqan.

²⁷ Coatpita miraqkuna kaykäyan Amram ayllu, Izhar ayllu, Hebrón ayllu y Uziel ayllu runakunami.

²⁸ Juk killayuqpita janaman lapan olqukunata yupaptin say chusku ayllu runakuna kayarqan puwaq waranqa kimsa pachakmi (8,300). Paykunami Tinkuna Sagrädu Toldu rurincho kaqkunata cuidayaq.

²⁹ Coatpita miraqkunami Sagrädu Toldupita sur kaqläpa toldunkunata sharkasiyarqan.

³⁰ Paykunapa mandaqninmi karqan Uzielpa surin Elizafán.

³¹ Say chusku ayllu runakunami täpayaq Pactu Babulta, mësata, candelabruta, altarkunata, Tinkuna Sagrädu Toldu rurincho cortïnata y sagrädu manëjunkunatapis.

³² Levitakunapa mandaqninmi karqan cüra Aarónpa surin Eleazar. Saymi Tinkuna Sagrädu Tolduta täpayänanpaq levitakunata mandarqan.

³³ Meraripita miraqkunami kaykäyan Mahli ayllu y Musi ayllu runakuna.

³⁴ Juk killayuqpita janaman lapan olqukunata yupayaptin say ishkay ayllu runakuna kayarqan soqta waranqa ishkay pachakmi (6,200).

³⁵ Meraripita miraqkunapa mandaqninmi karqan Abihailpa surin Zuriel. Paykunami Sagrädu Toldupita norti kaqläpa toldunkunata sharkasiyarqan.

³⁶ Say ishkay ayllu runakunami täpayaq Sagrädu Toldupa marcunkunata, travesäñunkunata, jorconninkunata, jawiräkuyänankunata y lapan manëjunkunatapis.

³⁷ Saynölami täpayaq Tinkuna Sagrädu Toldu patiupa jiruruypa tumaraq jorconkunata, estäcankunata y watunkunatapis.

³⁸ Tinkuna Toldupita inti jeqamunan kaqläpanami Moiséswan Aarón toldunkunata sharkasiyarqan. Saynölami paykunapa nawpalanpa Aarónpa surinkunapis toldunkunata sharkasiyarqan. Paykunami kayarqan Israel mayinkunapa trukan Sagrädu Tolduta shumaq täpayänanpaq. Pipis cüra mana kaykar cüra rurananpaq kaqkunaman jatikarqa wanunqami.

³⁹ Tayta Dios nishqannöla Moiséswan Aarón levitakunata ayllunpa ayllunpa juk killayuqpita janaman censayaptinmi ishkay chunka ishkay waranqa (22,000) olqukuna kayarqan.

Israel runakuna wakin qechpa surinkunapita pägayashqan

⁴⁰ Moiséstami Tayta Dios nirqan: <

⁴¹ Israel runakunapa qechpa surinkunapa trukan levitakunami noqapaq kaykäyan. Saynöpis Israel runakunapa uywankunapa punta yuriq wawankunapa trukan levitakunapa uywankunami noqapaq kaykäyan. Noqami Tayta Dios kaykä>>.

⁴² Tayta Dios nishqannölami Israel runakunapa qechpa surinkunata Moisés censarqan.

⁴³ Juk killayuqpita janaman olqu kaqkunata censaptinmi ishkay chunka ishkay waranqa ishkay pachak qanchis chunka kimsa (22,273) qechpakuna kayarqan.

⁴⁴ Saymi Moisésta Tayta Dios nirqan:

⁴⁵ <

⁴⁶ Levitakunapitaqa Israel runakunapa qechpa surinkuna ishkay pachak qanchis chunka kimsa (273) masmi kayan. Say pusuq runakunapa trukanta

⁴⁷ mananki cada ünunpita pisqa siclo qellayta pägayäshunaykipaq. Juk siclo qellayqa Tinkuna Sagrädu Tolducho kaykaq pësakunawan pësaptin chunka juk grämu qellaymi kaykan.

⁴⁸ Say qellayta Aarónta y surinkunata entreganki>>.

⁴⁹ Sayno niptinmi Israel runakunapa qechpa surinkunapita pägayashqanta ishkay pachak qanchis chunka kimsa (273) qellayta Moisés shuntarqan.

⁵⁰ Sayno shuntarqan juk waranqa kimsa pachak soqta chunka pisqa (1,365) siclo qellaytami. Say siclukunata pësarqan Tinkuna Sagrädu Tolducho qellay pësakunawanmi.

⁵¹ Tayta Dios nishqannölami Aaróntawan surinkunata say qellayta Moisés entregarqan.