Números 26 - Tayta Diospa Wilakuynin

Israel runakunata censayashqan

¹ Saypitanami Moisésta y cüra Aarónpa surin Eleazarta Tayta Dios nirqan:

² <>.

³ Say wisanmi Israel runakuna Jericó simpan y Jordán mayu kaqlä Moab pampacho kaykäyarqan. Censananpaq Tayta Dios niptinmi Israel mayinkunata Moiséswan Eleazar niyarqan:

⁴ <>. Egiptupita yarqamuq Israel runakunapa ayllunkuna mayqan kayashqanpis kaychömi qelqaraykan:

Rubén trïbuta censayashqan

⁵ Israelpa mayor kaq surin Rubénpita miraqkunami kayarqan Enoc ayllu runakuna, Falú ayllu runakuna,

⁶ Hezrón ayllu runakuna y Carmi ayllu runakuna.

⁷ Rubénpita miraqkunata censayaptinmi kayarqan chusku chunka kimsa waranqa qanchis pachak kimsa chunka (43,730) runakuna.

⁸ Falúpa surinmi karqan Eliab.

⁹ Eliabpa surinkuna kayarqan Nemuel, Datán y Abiram. Datánwan Abiramqa mayor runakunami kayarqan. Paykunami Coréwan juntakaykur Moiséspa, Aarónpa y Tayta Diospa contran sharkuyarqan.

¹⁰ Sayno contran sharkuyaptinmi pasa kichakar Datánta, Abiramta y Coréta ultakurkurqan. Nirkurnami ishkay pachak pisqa chunka (250) qatiraqninkunatapis nina usharqan. Say runakuna wanuyarqan wakin Israel runakunapis rikakuyänanpaqmi.

¹¹ Corépa surinkunami isanqa kawaykar quëdarqan.

Simeón trïbuta censayashqan

¹² Simeónpita miraqkuna kayarqan Nemuel ayllu runakuna, Jamín ayllu runakuna, Jaquín ayllu runakuna,

¹³ Zera ayllu runakuna y Saúl ayllu runakuna.

¹⁴ Simeónpita miraqkunata censayaptinmi kayarqan ishkay chunka ishkay waranqa ishkay pachak (22,200) runakuna.

Gad trïbuta censayashqan

¹⁵ Gadpita miraqkuna kayarqan Zefón ayllu runakuna, Hagui ayllu runakuna, Suni ayllu runakuna,

¹⁶ Ozni ayllu runakuna, Eri ayllu runakuna,

¹⁷ Arod ayllu runakuna y Areli ayllu runakuna.

¹⁸ Gadpita miraqkunata censayaptinmi kayarqan chusku chunka waranqa pisqa pachak (40,500) runakuna.

Judá trïbuta censayashqan

¹⁹ Judápa surinkuna Erwan Onán suriynaqla Canaáncho wanukush kayaptinmi ayllunkuna karqansu.

²⁰ Saymi Judápita miraqkuna kayarqan Sela ayllu runakuna, Fares ayllu runakuna y Zera ayllu runakuna.

²¹ Farespita miraqkuna kayarqan Hezrón ayllu runakuna y Hamul ayllu runakuna.

²² Judápita miraqkunata censayaptinmi kayarqan qanchis chunka soqta waranqa pisqa pachak (76,500) runakuna.

Isacar trïbuta censayashqan

²³ Isacarpita miraqkuna kayarqan Tola ayllu runakuna, Fúa ayllu runakuna,

²⁴ Jasub ayllu runakuna y Simrón ayllu runakuna.

²⁵ Isacarpita miraqkunata censayaptinmi kayarqan soqta chunka chusku waranqa kimsa pachak (64,300) runakuna.

Zabulón trïbuta censayashqan

²⁶ Zabulónpita miraqkuna kayarqan Sered ayllu runakuna, Elón ayllu runakuna y Jahleel ayllu runakuna.

²⁷ Zabulónpita miraqkunata censayaptinmi kayarqan soqta chunka waranqa pisqa pachak (60,500) runakuna.

Manasés trïbuta censayashqan

²⁸ Josépita miraqkuna kayarqan Manasés trïbu runakuna y Efraín trïbu runakuna.

²⁹ Manaséspita miraqkuna kayarqan Maquir ayllu runakuna y Galaad ayllu runakuna. Galaadqa Maquirpa surinmi karqan.

³⁰ Galaadpita miraqkuna kayarqan Jezer ayllu runakuna, Helec ayllu runakuna,

³¹ Asriel ayllu runakuna, Siquem ayllu runakuna,

³² Semida ayllu runakuna y Hefer ayllu runakuna.

³³ Heferpa surin Zelofehadpa manami olqu surinkuna karqansu, sinöqa warmilantaqmi. Say warmi surinkunapa jutinkunami karqan Maala, Noa, Hogla, Milca y Tirsa.

³⁴ Manaséspita miraqkunata censayaptinmi kayarqan pisqa chunka ishkay waranqa qanchis pachak (52,700) runakuna.

Efraín trïbuta censayashqan

³⁵ Efraínpita miraqkuna kayarqan Sutela ayllu runakuna, Bequer ayllu runakuna y Tahán ayllu runakuna.

³⁶ Sutelapita miraqkuna kayarqan Erán ayllu runakuna.

³⁷ Efraínpita miraqkunata censayaptinmi kayarqan kimsa chunka ishkay waranqa pisqa pachak (32,500) runakuna. Saynömi Josépita miraqkuna ayllunpa ayllunpa kayarqan.

Benjamín trïbuta censayashqan

³⁸ Benjamínpita miraqkuna kayarqan Bela ayllu runakuna, Asbel ayllu runakuna, Ahiram ayllu runakuna,

³⁹ Sufam ayllu runakuna y Hufam ayllu runakuna.

⁴⁰ Belapa surinkunami kayarqan Ardwan Naamán. Paykunapitami mirayarqan Ard ayllu runakuna y Naamán ayllu runakuna.

⁴¹ Benjamínpita miraq runakunata censayaptinmi kayarqan chusku chunka pisqa waranqa soqta pachak (45,600) runakuna.

Dan trïbuta censayashqan

⁴² Danpita miraqkunami kayarqan Súham ayllu runakuna.

⁴³ Súhampita miraq runakunata censayaptinmi kayarqan soqta chunka chusku waranqa chusku pachak (64,400) runakuna.

Aser trïbuta censayashqan

⁴⁴ Aserpita miraqkunami kayarqan Imna ayllu runakuna, Isúi ayllu runakuna y Bería ayllu runakuna.

⁴⁵ Beríapita miraqkuna kayarqan Heber ayllu runakuna y Malquiel ayllu runakuna.

⁴⁶ Aserpa warmi surinpa jutinmi karqan Sera.

⁴⁷ Aserpita miraq runakunata censayaptinmi kayarqan pisqa chunka kimsa waranqa chusku pachak (53,400) runakuna.

Neftalí trïbuta censayashqan

⁴⁸ Neftalípita miraqkuna kayarqan Jahzeel ayllu runakuna, Guni ayllu runakuna,

⁴⁹ Jezer ayllu runakuna y Silem ayllu runakuna.

⁵⁰ Neftalípita miraq runakunata censayaptinmi kayarqan chusku chunka pisqa waranqa chusku pachak (45,400) runakuna.

⁵¹ Censayta ushaskir yupayaptinmi Israel runakuna kayarqan soqta pachak juk waranqa qanchis pachak kimsa chunka (601,730) runakuna.

Chakrakunata imano aypunakuyänanpaqpis tantiyasishqan

⁵² Saypitanami Moisésta Tayta Dios nirqan:

⁵³ <

⁵⁴ Askaq runakuna kayaptin jatunta chakrata aypunki. Walkaqla kayaptinqa takshalata aypunki. Censarkur ayka runakuna kayashqanman tupu cada trïbuta aypunki.

⁵⁵ Suertita jitaypa chakrakunata aypunki. Cada runa chakrata chaskinqa taytan mayqan trïbumanpis pertenecishqancho.

⁵⁶ Suertita jitaypa sayno aypunki trïbucho aska runakuna kayaptinpis o walkaqla kayaptinpis>>.

Levitakunata censayashqan

⁵⁷ Levitakunata censarmi Gersón ayllu runakunata, Coat ayllu runakunata y Merari ayllu runakunata censayarqan.

⁵⁸ Saynöpis say ayllukunacho kayarqan Libni ayllu runakuna, Hebrón ayllu runakuna, Mahli ayllu runakuna, Musi ayllu runakuna y Coré ayllu runakuna. Coatpa surinmi karqan Amram.

⁵⁹ Amrampa warminmi karqan Jocabed. Jocabedpis Leví trïbupitami karqan. Pay Egiptuchömi yurirqan. Amrampa y Jocabedpa wamrankunami kayarqan Aarón, Moisés y María.

⁶⁰ Aarónpa surinkunami kayarqan Nadab, Abiú, Eleazar y Itamar.

⁶¹ Nadabwan Abiú wanuyarqan Tayta Diospa nawpancho lutala inciensuwan qoshnisiyashqanpitami.

⁶² Levitakuna chakrata mana chaskiyänanpaq nish kaptinmi Israel mayinkunata censarkurraq paykunata censayarqan. Saymi levitakunaqa juk killayuqpita janaman censayaptin kayarqan ishkay chunka kimsa waranqa (23,000) runakuna.

⁶³ Jericó simpan y Jordán mayu kaqlä Moab pampacho kaykarmi Israel mayinkunata Moiséswan cüra Eleazar censayarqan.

⁶⁴ Moab pampacho censaq runakuna manami mayqanpis censashqaraqsu kayarqan Moiséswan Aarón Sinaí niyashqan sunyaq jirkacho Israel runakunata unay censayashqan wisan.

⁶⁵ Sinaí jirkacho censayashqan runakunaqa lapanpis Tayta Dios nishqannölami sunyaq jirkacho wanur ushakäyarqan. Saymi qepa kaq censupaq mayqanpis karqansu. Jefonipa surin Caleb y Nunpa surin Josuélami kawaykar quëdayarqan.